வீட்டுக்கும் செல்ல முடியாமல், இடையிலும் இருக்க முடியாமல் ரவூப் ஹக்கீம்..!

( Gtn + சுனந்த தேசப்பிரிய)

         

கடந்த வாரத்தில் தமது பேராளர் மாநாட்டை நடத்திய, நீதியமைச்சர் தலைமையிலான ஸ்ரீலங்கா முஸ்லிம் காங்கிரஸ், அதிகாரத்தை பரவலாக்கும் 13வது அரசியல் அமைப்புத் திருத்தச் சட்டம் நீக்கப்படுவதையோ, அதன் அதிகாரங்களை குறைப்பதையோ எதிர்க்க போவதாக ஏகமானதாக முடிவு செய்தது. அத்துடன் அதிகார பரவலாக்கம் மேலும் வலுப்படுத்தப்பட வேண்டும் எனவும் அந்த கட்சி கூறியது.

  

முஸ்லிம் காங்கிரஸ் மாநாடு கவனத்தில் கொண்ட மற்றுமொரு விடயம். தற்போது எழுந்து வரும் சிங்கள பௌத்த அடிப்படைவாதம் தொடர்பான விடயமாகும். இலங்கையில் இதுவரை இருந்திராத பிரச்சினையை ஏற்படுத்தி, இறைச்சி விற்பனையின் போது, ஹலால் இலச்சினை பயன்படுத்துவதற்கு எதிராக ஆர்ப்பாட்டங்களை மேற்கொள்ளப்பட்டு வருகின்றன.  முஸ்லிம் அரசியலுக்கு எதிராக இந்த அடிப்படைவாத சக்திகள் சுமத்தும் குற்றச்சாட்டு, பௌத்த புராதன இடங்கள் அழிக்கப்படுகின்றன என்பதாகும். அண்மையில் இது குறித்து கருத்து வெளியிட்டிருந்த ஜனாதிபதி மகிந்த ராஜபக்ஷ , பௌத்த அடிப்படைவாதிகளின் செயற்பாடுகளை நியாயப்படுத்தியிருந்தார்.

ராஜபக்ஷ ஆட்சிக்குள், பெருபான்மை இன அடிப்படைவாதம் பலம் பெற்றுள்ள பின்னணியில், 2013 ஆம் ஆண்டு, அந்த அரசாங்கத்தின் பங்காளியான ரவூப் ஹக்கீம், வீட்டுக்கும் செல்ல முடியாமல், இடையிலும் இருக்க முடியாமல், விடுப்படவும் முடியாமல் எதிர்நோக்க போகும் கஷ்டமான வருடமாக மாறும் என்பது தற்போதே தெரிகிறது. டக்ளஸ் தேவானந்தா, தொண்டமான் ஆகிய தமிழ் அரசியல் கட்சிகளின் தலைவர்களுக்கு ராஜபக்ஷவினரின் பெரிதான ஆதரவில்லை என்பதை காணக் கூடியதாக உள்ளது.

     

(மனித உரிமை செயற்பாட்டளரும், சுயாதீன் ஊடவியலாளருமான சுனந்த தேசப்பிரியவே தான் எழுதியுள்ள கட்டுரையொன்றில் இவ்வாறு குறிப்பிட்டுள்ளார்)