அமெரிக்க தொலைக்காட்சியை வாங்கியுள்ள அல் ஜஸீரா

கட்டாரை மையமாகக் கொண்டு இயங்கும் அல் ஜஸீரா ஒளிபரப்புச் சேவை அமெரிக்காவின் கேபிள் தொலைக்காட்சியான கரன்ட் டிவியை வாங்கியுள்ளது.

அமெரிக்காவின் 60 மில்லியன் வீடுகளில் ஒளிபரப்பாகும் கரன்ட் டிவியின் நிறுவனர்களான அந்நாட்டு முன்னாள் துணை ஜனாதிபதி அல்கோர் மற்றும் ஜொயல் ஹயட் இதனை உறுதி செய்தனர். எனினும் இந்த விற்பனை குறித்த வர்த்தக தகவல் எதனையும் அவர்கள் வெளியிடவில்லை.

இந் நிலையில் கரன்ட் டிவியின் விநியோக வலைபின்னலை பயன்படுத்தி அமெரிக்காவை அடிப்படையாகக் கொண்ட செய்திச் சேவையை ஆரம்பிக்க திட்டமிட்டிருப்பதாக அல் ஜஸீரா வெளியிட்ட அறிக்கையில் கூறப்பட்டுள்ளது. tn