நுவரெலியாவில் சிவப்பு மழை - அநுராதபுரத்தில் மஞ்சள் மழை

நாட்டில் இன்றும் சில பகுதிகளில் சிவப்பு மற்றும் மஞ்சள் மழை பெய்துள்ளதாக தெரிவிக்கப்படுகிறது.

நுவரெலிய டெஸ்போர்ட் வாழைமலை தோட்டத்தில் இன்று முற்பகல் சிவப்பு மழை பெய்துள்ளதாக பிரதேச மக்கள் தெரிவித்துள்ளனர். சுமார் 15 நிமிடங்கள் பெய்த இந்த மழைத்துளிகளை தாம் சேகரித்து வைத்துள்ளதாகவும் அவர்கள் குறிப்பிட்டுள்ளனர்.

இதனிடையே, அநுராதபுரம் - நேகம்பஹா பகுதியிலும் இன்று காலை மஞ்சள் மழை பெய்துள்ளது.

இதனிடையே, நேற்று பிற்பகல் 3.30 அளவில் கதிர்காமம் - பெரகிரிமக பகுதியில் மஞ்சள் மழை பெய்துள்ளதாக பிரதேச வாசிகள் தெரிவித்துள்ளளன. 

முன்னதாக ஹட்டன், ருபேவ, கஆலான் பிந்துலுவௌ, வெலிகந்த, திருகோணமலை, மின்னேரிய உள்ளிட்ட மேலும் பல பிரதேசங்களில் இவ்வாறு மஞ்சள் மழை பெய்துள்ளமை குறிப்பிடத்தக்கது.