யாழ் அஸீமின் ''மண்ணில் வேரோடிய மனசோடு''

கவிஞரும் எழுத்தாளருமான கலாபூஷணம் யாழ் அஸீம் எழுதிய மண்ணில் வேரோடிய மனசோடு கவிதை நூல் அறிமுக விழா நாளை 6 ஆம் திகதி ஞாயிற்றுக்கிழமை பி.ப. 4 மணிக்கு தெஹிவளை ஜயசிங்க மண்டபத்தில் நடைபெறும்.

வர்த்தக மற்றும் வாணிபத் துறை அமைச்சர் அல்ஹாஜ் றிஷாத் பதியுதீன் பிரதம அதிதியாக கலந்துகொள்ளும் இந்நிகழ்வில், விஷேட அதிதிகளாக பாராளுமன்ற உறுப்பினர்களான அல்ஹாஜ் எம்.எச்.எம். அஸ்வர், அல்ஹாஜ் ஹுனைஸ் பாரூக், அல்ஹாஜ் முத்தலிப் பாவா பாரூக், முன்னாள் பாராளுமன்ற உறுப்பினர் சட்டத்தரணி ஆர்.எம். இமாம், யாழ் மாநகர சபை பிரதி மேயர் சட்டத்தரணி எம்.எம். ரமீஸ், கொழும்பு மாநகர சபை உறுப்பினர் எஸ். பாஸ்கரா ஆகியோர் கலந்து சிறப்பிக்கின்றனர்.

இலக்கியப் புரவலர் அல்ஹாஜ் ஹாஷிம் உமர் முன்னிலையில் நடைபெறும் இந்நிகழ்வுக்கு ஞானம் சஞ்சிகை ஆசிரியர் டாக்டர் தி. ஞானசேகரன் அவர்கள் தலைமை தாங்குகின்றார். சமூக சேவையாளர்  உரிமையாளர் அல்ஹாஜ் எஸ்.எச்.எம். நியாஸ் முதற் பிரதியைப் பெற்றுக் கொள்கிறார்.

கொழும்பு பல்கலைக்கழக சிரேஷ்ட விரிவுரையாளர் எம்.எம். அனீஸ், மேமன்கவி, அஷ்ரஃப் சிஹாப்தீன் ஆகியோர் கருத்துரை வழங்குகின்றனர். சந்தக்கவி கிண்ணியா அமீர் அலி கவி வாழ்த்துப் பாடுகிறார். சேன்னை பல்கலைக்கழக பேராசிரியர் அ.மார்க்ஸ், காப்பியக்கோ டாக்டர் ஜின்னாஹ் ஷரிபுத்தின், கலை வாதி கலில் ஆகியோர் நூலுக்கு அணிந்துரை வழங்கியுள்ளனர்.