நிந்தவூர் அல் மதீனா வித்தியாலய உயர்தர பரீட்சை முடிவுகள்

(சுலைமான்  றாபி )

கல்முனை  கல்வி  வலயதிற்கு  உட்பட்ட  நிந்தவூர்  அல்  மதீனா  மஹா  வித்யாலயம்  நடைபெற்று  முடிந்த  2012 (A/L) பரீட்சையில்  அதிக  பெறுபேறுகளைப் பெற்று   நிந்தவூரில்  சாதனை   படைத்துள்ளது . கடந்த 2012ம்  ஆண்டு  ஆரம்பிக்கப் பட்ட  உயர்தர  வகுப்பு , தற்போது  2வது   தடவயாகவும்   மாணவர்களை  உயர்தரப்பரீட்சையில்  சித்தியடைய   வைத்துள்ளது . இங்கு  இரண்டாவது  தடவையாக  உயர்தர  வர்த்தகப்  பிரிவில்  15 மாணவர்கள்  கல்வி  பயின்று  இதில்  சுமார்  08 மாணவர்கள்  பல்கலைக்  கழகத்திற்கு  தெரிவாகும்  வாய்ப்பினை பெற்றுள்ளதாக     பாடசாலையின்  அதிபர்  அல்  ஹாஜ்  S அஹ்மத்  அவர்கள்  தெரித்தார். 

மேலும்  இம்முறை   வெளியான  உயர்தரப்  பரீட்சை  பெறுபேற்றின்  அடிப்படையில்  வர்த்தகப்  பிரிவில்  அம்பாறை  மாவட்ட  முதலாவது  நிலையினையும்  தனது  பாடசாலை  பெற்றுள்ளதாக  தெரித்தார் . இங்கு  கல்வி  பயின்ற  05 மாணவர்கள்  03 A சித்திகளையும் ,02 மாணவர்கள்  02A, 01B சித்திகளையும் , 01 மாணவர்  01A, 02B சித்திகளையும்  பெற்று  இப்பாடசாலைக்கு  பெருமை  தேடிக்  கொடுத்துள்ளனர் .

மேலும்  இப்பாடசாலைக்கு   போதிய  பௌதீக  வளங்கள்  குறைவாக   இருந்தாலும் இம்மாணவர்களுக்கு  வணிகக்  கல்விப்  பாடத்தினை  J.அப்துல்  றஊப்     ஆசிரியர் அவர்களும் , பொருளியல் பாடத்தினை  பகுதி  தலைவர்  MH றாபி  ஆசிரியர் அவர்களும் , கணக்கீடு  பாடத்தினை  திருமதி  MT பெனசிர்  அவர்களும்  போதித்ததாக  அதிபர்  அல்  ஹாஜ்  S. அஹ்மத்  அவர்கள்  யாழ் இணையத்தளத்திடம்  தெரிவித்தார் .