'சகலரும் சகல உரிமைகளையும் பெற்று வாழக்கூடிய நாடாக இலங்கை விளங்குகின்றது'

இன்று சகலரும் சகல உரிமைகளையும் பெற்று வாழக்கூடிய நாடாக இலங்கை விளங்குகின்றது. ஒரே நாடு, ஒரே மக்கள், ஒரே சட்டம் என்பதுதான் எனது ஒரே அபிலாஷை என்று ஜனாதிபதி மஹிந்த ராஜபக்ஷ நுவரெலியாவில் தெரிவித்துள்ளார்.

நுவரெலியா பொது வைத்தியசாலைக்கு அடிக்கல் நடும் வைபவத்தில் பிரதம அதிதியாகக் கலந்துகொண்டு உரையாற்றும் போதே ஜனாதிபதி மேற்கண்டவாறு தெரிவித்துள்ளார்.

இன்று சிலர் பொய் பிரசாரம் செய்வதிலும், சேறு பூசுவதிலும் பெரிதும் ஈடுபடுகின்றனர். இதற்கென விசேட கமிட்டியையும் அமைத்துள்ளனர். எனினும் எனது அபிலாஷையில் எந்த மாற்றமும் ஒரு போதும் ஏற்படாது எனவும், யார் என்ன கூறினாலும் நாட்டில் வாழும் சகல மக்களுக்கும் சகல வசதி வாய்ப்புகளைப் பெற்றுக்கொடுப்பதே அரசின் நோக்கம் என்றும் ஜனாதிபதி தெரிவித்துள்ளார்.