கிராமத்தை சூறையாடிய குரங்குகள் - 7 பேர் காயம்

இந்தோனேஷியா நாட்டில் உள்ள கிழக்கு பகுதியில் கிராமம் ஒன்று உள்ளது. இந்த கிராமத்துக்குள் திடீரென நூற்றுக்கும் மேற்பட்ட குரங்குகள்  புகுந்தன.

அவை கிராம மக்களை விரட்டி விரட்டி கடித்தன. மேலும் வீடுகளுக்குள் புகுந்து இருக்கிற பொருட்களை எல்லாம் சூறையாடியது. குரங்கு தாக்குதலில் 7 பேர் படுகாயம் அடைந்தனர். அதில் ஒருவர் ஆபத்தான நிலையில் இருக்கிறார்.

குரங்குகள் ஒட்டுமொத்தமாக புகுந்து திடீர் தாக்குதல் நடத்துவது இதுவே முதல் முறை என்று கிராம மக்கள் தெரிவித்தனர். எதற்காக குரங்குகள் இந்த மாதிரி தாக்குதல் நடத்துகின்றன என்று தெரியவில்லை. இது ஆச்சரியமாக இருக்கிறது என்று கிராம மக்கள் கூறினார்கள்.