அவுஸ்திரேலிய கனவுடன் பயணித்த 46 இலங்கையர் நடுக்கடலிலிருந்து மீட்பு

(Sfm) புகலிடம்கோரி கடல் மார்க்கமாக அவுஸ்திரேலியா பயணமான நிலையில் கடலில் நிர்க்கதிக்குள்ளான 46 இலங்கையர்கள் காப்பாற்றப்பட்டுள்ளனர். சுமாத்ராவிலிருந்து சுமார் 330 கடல் மைல்கள் தூரத்தில் இவர்கள் நிர்க்கதிக்கு உள்ளாகியிருந்ததாக அவுஸ்திரேலிய ஊடகங்கள் தகவல் வெளியிட்டுள்ளன.

புகலிடக் கோரிக்கையாளர்கள் பயணித்த படகு செயலிழந்துள்ளமை குறித்து அவுஸ்திரேலிய கடற்படையினர் முதலில் இந்தோனேஷியா அதிகாரிகளை தெளிவுபடுத்தியுள்ளனர்.

வர்த்தகக் கப்பல் ஒன்றின் மூலம் காப்பாற்றப்பட்ட இந்த இலங்கை புகலிடக் கோரிக்கையாளர்கள் இந்தோனேஷிய துறைமுகத்திற்கு அழைத்துச் செல்லப்பட்டுள்ளதாக அவுஸ்திரேலிய ஊடகங்கள் தெரிவித்துள்ளன.

இலங்கை புகலிடக்கோரிக்கையாளர்களை காப்பாற்றும் நடவடிக்கைக்காக அவுஸ்திரேலியாவின் தொழில்நுட்ப ஒத்துழைப்பு பெற்றுக்கொள்ளப்பட்டுள்ளது.