யாழ்ப்பாண முஸ்லிம் ஒன்றுகூடல் - 2013 (பெப்ரவரி 22,23,24,25)

2013ம் ஆண்டிற்கான யாழ் முஸ்லிம் ஒன்றுகூடல் இன்ஷா அல்லாஹ் எதிர்வரும் 2013 பெப்ரவரி 22,23,24,25ம் திகதிகளில் யாழ்ப்பாணம் முஸ்லிம் வட்டாரத்தில் இடம்பெறும் என்பதை யாழ் மண்ணின் அனைத்து சொந்தங்களுக்கும் அறியத்தருகின்றோம். 

மாணவர்களுக்கான போட்டி நிகழ்ச்சிகள், வயது வதோர்க்கான போட்டி நிகழ்ச்சிகள், விளையாட்டுப்போட்டிகள் என்பவற்றுடன் பல்வேறு இஸ்லாமிய அறிஞர்களுடைய மார்க்க சொற்பொழிவுகள், விவாத அரங்குகள், நல்லிணக்க நிகழ்வுகள் என பல்வேறு நிகழ்ச்சிகளை உள்ளடக்கியதாக இம்முறை யாழ் முஸ்லிம் ஒன்றுகூடல் நடைபெறுவதற்கான ஏற்பாடுகள் “யாழ் முஸ்லிம் ஏற்பாட்டுக்குழுவினரால் மேற்கொள்ளப்படுகின்றன என்பதை அறியத்தருகின்றோம். 

20-01-2013 அன்று யாழ் ஒஸ்மானியா வளாகத்தில் நடைபெற்ற யாழ்,கிளிநொச்சி முஸ்லிம் சம்மேளனத்தின் விஷேட ஒன்றுகூடலின்போது “யாழ்முஸ்லிம் ஒன்றுகூடல் 2013 செயற்குழுவானது சகோதரர் எம்.யூ.எம் தாஹிர் (சியானாஸ்) மற்றும் சகோதரர் எஸ்.ஏ.சீ முபீன் ஆகியோரால் வழிநடாத்தப்பட்டும் என தீர்மானிக்கப்பட்டது. 

அத்துடன் யாழ் முஸ்லிம் ஒன்றுகூடல் 2012 இனை முன்னின்று நடாத்திய செயற்குழுவே இம்முறையும் ஒன்றுகூடலை முன்னின்று நடாத்தும் எனவும் தீர்மானிக்கப்பட்டது. அந்தவகையில் 20 ஜனவரி 2013 அன்று மாலை நடைபெற்ற செயற்குழுக்கூட்டத்தில் ஒன்றுகூடலுக்கான திகதி 2013 பெப்ரவரி 22,23,24,25 எனத்தீர்மானிக்கப்பட்டது. இதனை யாழ் முஸ்லிம் சொந்தங்கள் அனைவரும் கவனத்தில் கொள்ளவும்.

தகவல் - அஷ்ஷெய்க் அஸ்மின் அய்யூப்