ரீ.பி.ஜாயா 123 வது நினைவுச் சொற்பொழிவு நிகழ்வு (படங்கள் இணைப்பு)

(ஏ.எஸ்.எம்.இர்ஷாத்)

கலாநிதி ரீ.பி.ஜாயா பவுண்டேஷன் ஏற்பாட்டில் கலாநிதி ரி.பி ஜாயாவின் 123வது நினைவுச் சொற்பொழிவு கொழும்பு-10, டீ.ஆர்.விஜயவர்த்தன மாவத்தையிலுள்ள முஸ்லிம் மகளிர் கல்வி வட்ட மண்டபத்தில் செவ்வாய்க்கிழமை (01-01-2013)நடைபெற்றது. ரி.பி ஜயா பவுண்டேசன் தலைவர் எம்.அஷ்ரப் ஹூசைன் தலைமையில் நடைபெற்ற நிகழ்வில் பிரதம அதிதியாக நீதி அமைச்சர் ரவூப் ஹக்கீமும் கௌரவ அதிதியாக பாராளுமன்ற உறுப்பினர் ஏ.எச்.எம்.அஸ்வரும் மற்றும் பல முக்கிய பிரமுகர்களும் கலந்து கொண்டனர்.

2013 ரீ.பி.ஜாயா பவுண்டேஷன் சஞ்சிகை முதற்பிரதியை சுயாதீன தொலைக்காட்சி நிறுவனத்தின் பணிப்பாளர் ஹாசிம் உமர் பெற்றுக் கொண்டார். இதன்போது சவூதி அரேபியாவில் நடைபெற்ற சர்வதே குர்ஆன் மனனப் போட்டியில் முதலாமிடத்தை பெற்ற ரிப்தி முஹம்மது றிஸ்கான் கௌரவிக்கப்பட்டதுடன் மர்ஹூம் ரி.பி.ஜாயா கொழும்பு ஸாஹிரா கல்லூரியின் அதிபராக பதவி வகித்த காலத்தில் அவரது மாணவர்களாக இருந்த சிலரும் இதன்போது கௌரவிக்கப்பட்டனர்.

கலாநிதி ரி.பி ஜாயாவுக்காக விசேட துஆ பிராத்தனையும் இடம்பெற்றது. இதனை மௌலவி எம்.சி.ஹஸ்புல்லா ஏ. காதர் நிகழ்த்தினார்.