அமெரிக்கா செல்லும் ஈரான் பிரஜைகளுக்கு எச்சரிக்கை

ஈரான் தனது நாட்டினர் அமெரிக்கா செல்வதற்கு எதிராக பயண எச்சரிக்கை விடுத்துள்ளது. 

'இன்றியமையாத காரணங்களை தவிர அமெரிக்கா செல்வதை தவிர்த்துக் கொள்ளுமாறு ஈரான் பிரஜைகளுக்கு அறிவுறுத்தப்பட்டுள்ளது. அபாயத்தை தவிர்க்கும் வகையிலேயே இந்த எச்சரிக்கை விடுக்கப்பட்டுள்ளது' என்று ஈரான் வெளியுறவு அமைச்சின் பேச்சாளர் ரமின் மெஹ்பன்பரஸ்ட் அந்நாட்டின் 'இஸ்னா' செய்திச் சேவைக்கு கூறியுள்ளார்.

ஈரான் நாட்டின் 73 வயதான டரியுஸ் சரஷ்டா என்பவர் டல்லஸ் சர்வதேச விமான நிலையத்தில் சுங்க அதிகாரிகளால் 5 மணி நேரம் தடுத்து வைத்து விசாரணை நடத்தப்பட்டதைத் தொடர்ந்து மரணமடைந்துள்ளார். இதனையடுத்தே ஈரான் பயண எச்சரிக்கை விடுத்துள்ளது. tn