ஹமாஸின் அடுத்த தலைவர் யார்...??

ஹமாஸ் அமைப்பின் தலைமைப் பதவியில் நீடிப்பதற்கு காலித் மிஷால் அதிக செல்வாக்குடன் காணப்படுவதாக கருதப்படுகிறது. எனினும் தாம் தலைமை பதவியில் இருந்து விலகப்போவதாக காலித் மிஷால் கூறிவருகிறார். 

அடுத்த ஹமாஸ் தலைமை குறித்து உறுதியான நிலைப்பாடு இல்லாத கட்டத்தில் விரைவில் ஹமாஸ் உயர் குழுவில் தலைமைக்கான தேர்வு இடம்பெறவுள்ளது. எனினும் காலித் மிஷால் அளவுக்கு தலைமைக்கான செல்வாக்கு செலுத்துபவர் இல்லை என ஹமாஸ் வட்டாரங்கள் தெரிவிக்கின்றன. 

காலித் மிஷாலின் காசா விஜயத்தின் போது காசாவுக்கான ஹமாஸ் பிரதமர் இஸ்மைல் ஹனியான், மிஷாலை, ‘ஹமாஸ் அமைப்பின் தலைவர்’ என அழைத்ததோடு மிஷால், இஸ்மைல் ஹனியானை, ‘காசாவுக்கான ஹமாஸ் தலைவர்’ என அழைத்தார்.

பலஸ்தீனின் காசாவுக்கு முதல் முறை விஜயம் மேற்கொண்ட ஹமாஸ் அமைப்பின் தலைவர் காலித் மிஷால் தனது 4 நாள் பயணத்தை முடித்துக் கொண்டு கடந்த திங்கட்கிழமை விடைபெற்றார். காலித் மிஷாலுடன் ஹமாஸ் அமைப்பின் உயர்மட்ட குழு உறுப்பினர்கள் இருவரும் காசாவிலிருந்து ரபால் எல்லையூடாக எகிப்தை நோக்கி பயணமாயினர்.  tn