தலிபான்களின் தாக்குதல் - அதிர்ந்தது அமெரிக்கா விமான நிலையம் (வீடியோ)

ஆப்கானிஸ்தானில்  முகாமிட்டுள்ள ‘நேட்டோ’ படைகள் மீது தலிபான்கள் தொடர் தாக்குதலில் ஈடுபட்டு வருகின்றனர். இந்த நிலையில் இன்று அதிகாலை கிழக்கு ஆப்கானிஸ்தானில் ஜலாலாபாத் விமான நிலையத்தில் உள்ள அமெரிக்க ராணுவ முகாம் மீது தாக்குதல்கள் நடத்தப்பட்டன. 

முன்னதாக அங்கு புகுந்த தலிபான்கள் சரமாரியாக துப்பாக்கியால் சுட்டனர். பதிலுக்கு அமெரிக்க வீரர்களும் சுட்டனர். இதையடுத்து இருதரப்புக்கும் இடையே துப்பாக்கி சண்டை நடந்தது. அப்போது வெடிகுண்டுகள், ராக்கெட்டுகள் மற்றும் கையெறி குண்டுகளும் வீசி தாக்குதல் நடத்தப்பட்டன. 

மேலும், அங்கு தற்கொலை தாக்குதலும் நடந்தது. மறைத்து வைக்கப்பட்டிருந்த குண்டுகளும் வெடித்தன. இச்சம்பவங்களால் அங்கு பதட்டமும் பரபரப்பும் ஏற்பட்டது. 

ஆனால், இத்தாக்குதலுக்கு தலிபான்கள் தீவிரவாதிகள் பொறுப்பேற்றுள்ளனர். இத்தகவலை ஏ.எப்.பி. செய்தி நிறுவனத்துக்கு டெலிபோனில் தெரிவித்தனர்.