சாதனைவீரன் றஜாஸ்கானுக்கு பெருவிழா

(அட்டாளைச்சேனையிலிருந்து எஸ்.எல். மன்சூர்)

கடந்த 14.12.2012 அன்று ஜப்னா முஸ்லீம் (யாழ்முஸ்லீம்) வெப்தளத்தில் 'சாதனை படைத்த முஸ்லீம் இளைஞன் சிங்களவாராக இருந்திருந்தால்..' எனும் தலைப்பில் வெளியான கட்டுரைக்கு  பலன் கிட்டியுள்ளது.  

தென்கிழக்கின் அட்டாளைச்சேனைப் பிரசேத செயலகத்திற்குட்பட்ட ஒலுவிலைச் சேர்ந்த அப்துல் றஸீட் றஜாஸ்கான் அகில இலங்கை ரீதியில் நடைபெற்ற 200மீற்றர் ஓட்டப்போட்டியில் தேசிய சாதனை படைத்திருந்தான். இப்பிராந்தியத்திலுள்ளவர்கள் எவருமே கண்டுகொள்ளாமையை தெரிந்து கொண்ட யாழ்முஸ்லீம் வெப்தளம் பிராந்திய செய்தியாளருடன் தொடர்புகொண்டு அவரது பேட்டியை பெற்று அனுப்புமாறு வேண்டிக் கொண்டதற்கமைவாக சாதனை வீரனுடைய பேட்டி யாழ் முஸ்லீம் வெப்தளத்தில் பிரசுரமாகி இருந்தது. 

இதனைக் கண்டுகொண்ட ஒலுவில் OSDS, Public & Sports Club  ஆகிய விளையாட்டுக் கழகங்கள் இணைந்து மாபெரும் சாதனையாளர் கௌரவிப்பும் மகிழ்ச்சிப் பெருவிழாவும் - 2012 எனும் பெயரில் நாளை (2012.12.25 ஆந் திகதி நடாத்துகின்றது.

ஒலுவில் அல் ஹம்றா மகா வித்தியாலய மண்டபத்தில் பி.ப. 4 மணிக்கு சர்வதேச ரீதியில் ஒலுவிலுக்கும், அப்பிரதேசத்திற்கும் சேதிய ரீதியில் 200 மீற்றர் ஓட்டப்போட்டியில் வெற்றியீட்டிய சாதனையின் செயல்வீரனைக் கௌரவித்து பாராட்டும் மாபெரும் நிகழ்வு நடைபெறுகின்றது.