ஒட்டகம் கடித்து சீனர் பலி

சீனாவில் ஒட்டகம் கடித்து குதறியதில், மேய்ப்பர் பலியானார்.சீனாவின், லியோனிங் மாகாணத்தில் உள்ள, டேலியன் நகரை சேர்ந்தவர் சுன். இவர் தனது எஜமானரின், மூன்று ஒட்டகங்களை மேய்த்து வந்தார்.

நன்றாக பழக்கப்படுத்தப்பட்ட இந்த ஒட்டகங்களில் ஒன்று, திடீரென சுன்னின் தலையை கடித்து குதறிவிட்டது. வலியால் அலறி துடித்த சுன், ஆபத்தான நிலையில் மருத்துவமனையில் சேர்க்கப்பட்டார்; மூன்று மணி நேரத்தில் அவர் சிகிச்சை பலனின்றி இறந்துவிட்டார்.ஒட்டகம் மேய்ப்பவர்கள் இதுகுறித்து குறிப்பிடுகையில், "ஒட்டகங்கள், சாதாரணமாக சாதுவாக தான் இருக்கும். ஆனால், இனபெருக்கக் காலத்தில், அவை சீற்றத்துடன் காணப்படும். இதனால், ஒட்டகம், சுன் தலையை கடித்துள்ளது' என்றனர்.