இந்தியாவை வீழ்த்தியது பாகிஸ்தான்

ஆசியன் சாம்பியன்‌ஸ் ஹாக்கி போட்டியின் பரபரப்பான பைனலில் பாகிஸ்தான் இந்தியாவை 5-4 என்ற கோல் கணக்கில் வீழத்தி பாகிஸ்தான் சாம்பியன்ஸ் பட்டம் பெற்றது. கத்தார் தலைநகர் தோகாவில் ஆசியன் சாம்பியன்ஸ் ஹாக்கிப்போட்டிகள் நடந்து வருகிறது. இந்தியா, பாகிஸ்தான், ஓமன், சீனா, ஜப்பான், மலேஷியா உள்ளிட்ட 6 நாடுகள் பங்கேற்றன. இன்று 27-12-2012 நடந்த பைனலில் இந்தியாவும், பாகிஸ்தானும் மோதின. 

இதில் இதில் தற்போதைய சாம்பியன் இந்தியாவை பாகிஸ்தான் 5-4 என்ற கோல் கணக்கில் வீழத்தியது. ஆட்டத்தின் முதல் பாதியில் இந்தியா 2-1 என்ற கோல் கணக்கில் முன்னிலை பெற்றது. பின்னர் இரண்டாவது பாதியின் 42-வது நிமிடத்தில் பாக்.ஒரு கோல்அடித்து 2-2 என சமன் செய்தது. இதையடுத்து உற்சாகமடைந்த பாக். அடுத்த 6-வது நிமிடத்தில் ஒரு கோல்அடித்து 3-2 என முன்னேறியது. 

இதற்கு இந்தியாவும் பதிலடியாக 55-வது நிமிடத்தில் ஒரு கோல்அடித்து 3-3 என சமன் செய்தது. பின்னர் 58-வது நிமிடத்தில் பாக்.பதிலடிகொடுக்க 4-4 என்ற நிலை இருந்தது. கடைசியாக பாகிஸ்தானின் முகமது இம்ரான், 64-வது நிமிடத்தில் அடித்த கோலால் பாகிஸ்தான் 5-4 என்ற கோல் கணக்கில் சாம்பியன் பட்டம் வென்றது.