சவூதி அரேபியாவில் தீ விபத்து - 6 பேர் உயிரிழப்பு

சவூதி அரேபியாவில் உள்ள பெட்ரோலிய ரசாயன உற்பத்தி ஆலையில், சனிக்கிழமை நிகழ்ந்த தீ விபத்தில் 6 பேர் உயிரிழந்தனர்.

சவூதி அரேபியாவின் கிழக்குப் பகுதியில், ஜுபைல் தொழிற்பகுதியில் உள்ள பெட்ரோலிய ரசாயன உற்பத்தி ஆலை ஒன்றில் கழிவுகளை மறுசுழற்சி செய்யும் பகுதியில் சனிக்கிழமை பராமரிப்புப் பணி நடைபெற்றது. அப்போது, திடீரென தீ விபத்து ஏற்பட்டது. இதில் 6 தொழிலாளர்கள் உயிரிழந்தனர் என்று அந்த தொழிற்பகுதிக்கான செய்தித் தொடர்பாளர் அப்துல் ரஹ்மான் அப்துல் காதர் தெரிவித்தார்.