புத்தளத்தில் கனரக வாகனத்தில் சிக்கி 5 வயது சிறுமி வபாத்

(tm) புத்தளம் வான்வீதியில் கனரக வாகனத்தினை பாதுகாப்பற்ற முறையில் பின்னால் செலுத்திய போது அதில் மோதுண்டு 5 வயது சிறுமி உயிரிழந்துள்ளார்.

இந்த சம்பவம் இன்று செவ்வாய்கிழமை பிற்பகல் இடம்பெற்றுள்ளது. குறித்த வாகனத்தினை செலுத்திய புத்தளம் நகர சபையின் சுயேட்சை குழு உறுப்பினர் பொலிசாரினால் சந்தேகத்தின் பேரில்  கைது செய்யப்பட்டுள்ளார்.

குறித்த நபர் இன்று பிற்பகல் தனது வீட்டு வளாகத்தில் வைத்து வாகனத்தினை பின்னால் செலுத்தியுள்ளார். அச்சமயம் அவரின் உறவினரின் குழந்தையே வாகனத்தின் பின்னால் மோதுண்டு உயிரிழந்ததாக புத்தளம் பொலிஸார் தெரிவித்தனர்.

சம்பவத்தில் ஆயிசா சம்லத் சனா என்ற சிறுமியே உயிரிழந்துள்ளார். தலை நசுக்கப்பட்டு மூளை பாதிக்கப்பட்டதினால் உயிரிழப்பு ஏற்பட்டதாக திடீர் மரண விசாரனை அதிகாரி பி.எம். ஹிசாம் தெரிவித்தார்