வழுக்கை தலையில் விளம்பரம் செய்ய ஒருநாள் கட்டணம் 45 ஆயிரம் ரூபாய்

அமெரிக்காவை சேர்ந்த, ஒரு இளைஞர், தன் வழுக்கை தலையில், காலியாக உள்ள இடத்தில் விளம்பரம் செய்ய அழைப்பு விடுத்துள்ளார்.

அமெரிக்காவின், நியூயார்க்கை சேர்ந்தவர், பிரான்டன் சிக்கோட்ஸ்கி, 27. "இளம் வயதிலேயே தலை வழுக்கை விழுந்து விட்டதால், முடி இல்லாத என் தலை பகுதியில், விளம்பரம் செய்து கொள்ளலாம்' என, இணைய தளத்தில் அழைப்பு விடுத்துள்ளார்.

"நாள் ஒன்றுக்கு, என் தலையில் விளம்பரம் செய்ய, 45 ஆயிரம் ரூபாய் கட்டணம் வசூலிக்கப்படும்'என, தெரிவித்துள்ளார். நாள் ஒன்றுக்கு, நிறைய விளம்பரம் வரும் பட்சத்தில், தன் நண்பர்களின் வழுக்கை தலையை பயன்படுத்தி கொள்ள, இவர் திட்டமிட்டுள்ளார்.வழுக்கை தலையில் விளம்பரம் செய்ய, பலர் இவரை தொடர்பு கொண்டு விசாரித்து வருகின்றனர்.