பாகிஸ்தானில் காலாவதியான மருந்து சாப்பிட்ட 16 பேர் வபாத் - 38 பேருக்கு தீவிர சிகிச்சை

பாகிஸ்தானின் குஜ்ரன்வாலா நகர மருந்து கடை ஒன்றில் விற்பனை செய்யப்பட்ட இருமல் மருந்தை சாப்பிட்டவர்கள் மயக்கமடைந்தனர். அங்கு கடந்த புதனிலிருந்து விற்கப்பட்ட இருமல் மருந்தை சாப்பிட்ட 54 பேர், அருகிலுள்ள மருத்துவமனையில் சேர்க்கப்பட்டனர். இதில் போதைப்பொருளுக்கு அடிமையான 16 பேர் சிகிச்சை பலனின்றி உயிரிழந்தனர். 38 பேருக்கு தீவிர சிகிச்சை அளிக்கப்பட்டு வருகிறது. 

காலாவதியான மருந்தை விற்ற கடைக்காரரை போலீஸ் கைது செய்துள்ளது. லாகூரில் காலாவதியான மருந்தை சாப்பிட்டு, ஜனவரி மாதம் 100 பேரும், நவம்பர் மாதம் 19 பேரும் உயிரிழந்ததும் குறிப்பிடத்தக்கது.