திருகோணமலை மாவட்ட ஊடகவியலாளர் சங்கத்தின் 10வது ஆண்டு விழாவும், ஒன்று கூடலும்

(மூதூர் முறாசில்)

திருகோணமலை மாவட்ட ஊடகவியலாளர் சங்கத்தின் 10வது ஆண்டு விழாவும் ஒன்று கூடலும் நாளை ஞாயிற்றுக் கிழமை காலை 9.30 மணிக்கு திருகோணமலையில் இடம்பெறவுள்ளது.

திருகோணமலை நகரசபை மண்டபத்தில்  சங்கத்தின் தலைவர் ஏ.எல்.றபாய்தீன் தலைமையில் இரு அமர்வுகளாக இடம்பெறவுள்ள  இந்நிகழ்வின் ஆரம்ப வைபவத்தில் கிழக்கு மாகாண முதலமைச்சர் நஜீப் ஏ.மஜீத் பிரதம அதிதியாகவும் கிழக்கு மாகாண எதிர்க்கட்சி தலைவர் சி.தண்டாயுதபாணி கௌரவ அதிதியாகவும் கலந்து கொள்ளவுள்ளனர். 

அத்தோடு, சங்கத்தோடு இணைந்து செயற்படும் நிறுவனங்களின் பிரதிநிதிகளும் கலந்து கொள்ளவுள்ளனர்.

இதன்போது  சங்கத்தின் யாப்பு திருத்தம்பற்றி ஆராயப்படவுள்ளதுடன் புதிய நிருவாக சபைத் தெரிவும் இடம்பெறவுள்ளது குறிப்பிடத்தக்கதாகும்.