கல்ஹின்ன அல்மனார் கல்லூரியின் வருடாந்த பளிசளிப்பு விழா

கண்டி கல்ஹின்ன அல்மனார் மத்திய கல்லூரியின்  பரிசளிப்பு விழா இன்று (2011-11-08)  கல்லூரி பிரதான மண்டபத்தில் நடைபெற்றது. இந்நிகழ்வில் பிரதம அதிதியாகஅல்ஹாஜ் அஹ்மத் ரியாஸ்  கௌரவ அதிதிகளாக அல்ஹாஜ் முஸ்லிம் சலஹுடீன் மற்றும் அல்ஹாஜ் பஷீர் அவர்களும், சட்டத்தரணி அல்ஹாஜ் பாரூக் மற்றும் கல்வி அதிகாரிகள், அரசியல் பிரமுகர்கள், ஊர் முக்கியஸ்தர்களும் கலந்து சிறப்பித்தனர்.

வருடாந்தம் நடைபெற்று வரும் இப்பரிசளிப்பு விழா இவ்வருடம் முன்னைய வருடங்களை விட மிகவும் சிறப்பாக நடைபெற்றது. நடந்த  தவணைப்பரீட்சைகளில் ஒவ்வொரு பாடங்களிலும் அதிகூடிய புள்ளிகளைப்பெற்ற மாணவர்களுக்கும்,வலய,மாகாண மற்றும் அகில இலங்கை ரீதியில்  நடந்த போட்டிகளில் முதல் மூன்று இடங்களை பெற்ற மாணவர்களுக்கும், 2011ல் 100% வரவைக்கொண்ட மாணவர்களுக்கும் மற்றும் தரம் 5 புலமைப்பரிசில், G.C.E.O/L, G.C.E.A/L  பரீட்சைகளில் சிறந்த பெறுபேறுகளை பெற்ற மாணவர்களுக்கும் சான்றிதல்களும் பரிசில்களும் வழங்கி வைக்கப்பட்டது. அத்துடன் சிறந்த பெறுபேறுகளைகாட்டிய ஆசிரியர்களும் 2011ல்  குறைந்த விடுமுறையைய் பெற்ற ஆசிரியர்களும் விருது வழங்கி கௌரவிக்கப்பட்டனர்.

இன்றைய நிகழ்வில் கல்லூரியின் வருடாந்த சஞ்சிகையான "மதியொளி" சஞ்சிகையும் வெளியிடப்பட்டது அத்துடன் கல்லூரி அதிபர் தனது மூன்று வருட சேவையில் பாடசலையில் பாரிய முன்னேற்றத்தைக் காட்டியமைக்காக விசேட விருது வழங்கி கௌரவிக்கப்பட்டார்.இவ்விழாவில் பெருமளவிலான பெற்றார் கலந்து கொண்டனர்.