நிந்தவூர் அல்மினன் வித்தியாலய கம்பியூட்டர் நிலையத்திற்கு அடிக்கல் நடும் நிகழ்வு

(அஸ்லம் எஸ்.மௌலானா)

 நிந்தவூர் அல்மினன் வித்தியாலயத்தில் நிறுவப்படவுள்ள கம்பியூட்டர் நிலையத்திற்கான அடிக்கல் நடும் வைபவம் இன்று புதன்கிழமை நடைபெற்றது.

பாடசாலை அதிபர் நிஹார்டீன் தலைமையில் இடம்பெற்ற இவ்வைபவத்தில் அம்பாறை மாவட்டப் பாராளுமன்ற உறுப்பினர் பைசால் காஸிம் பிரதம அதிதியாகக் கலந்து கொண்டு அடிக்கல்லை நட்டு வைத்தார்.

இந்நிகழ்வில் கல்முனை வலயக் கல்வி பணிப்பாளர் எம்.ரி.எம்.தௌபீக், நிந்தவூர் கோட்டக் கல்வி அதிகாரி எம்.சல்டீன், நிந்தவூர் பிரதேச சபையின் பிரதித் தவிசாளர் எம்.எம்.எம்.அன்ஸார், பிரதேச சபை உறுப்பினர் ஜப்பார் அலி ஆகியோர் உட்பட மற்றும் பல பிரமுகர்களும் ஆசிரியர்களும் கலந்து கொண்டனர்.

அம்பாறை மாவட்டப் பாராளுமன்ற உறுப்பினர் பைசால் காஸிமின் வேண்டுகோளின் பேரில் தியட்ட கிருள்ள திட்டத்தின் கீழ் இந்த கம்பியூட்டர் நிலையம் அமைக்கப்படவுள்ளமை குறிப்பிடத்தக்கது.