காத்தான்குடியில் வாகன விபத்து (படங்கள்)

கடற்கரையை நோக்கி மிக வேகமாக சென்று கொண்டிருந்த மோட்டார் சைக்கிள் ஒன்று கட்டுப்பாட்டை இழந்து காத்தான்குடி மத்திய கல்லூரி தேசிய பாடசாலை மாணவர் விடுதி (ஹொஸ்டல்) சந்தியில் வீதியின் அருகிலிருந்த ஹோட்டல் ஒன்றில் மோதியதில் மோட்டார் வண்டியை செலுத்தியவர் மற்றும் ஹோட்டல் உரிமையாளர் ஆகியோர் பலத்த காயங்களுக்குள்ளாகியுள்ளனர்.

 (07.11.2012) மாலை 7.30 மணியளவில் நடைபெற்ற இவ் விபத்தில் காயமுற்ற இருவரும் காத்தான்குடி தள வைத்தியசாலையில் சிகிச்சைகளுக்காக அனுமதிக்கப்பட்டுள்ளனர்.

இவ் விபத்தில் மோட்டார் சைக்கிள் பகுதியளவில் சேதமடைந்துள்ளதோடு ஹோட்டலின் முன்னால் போடப்பட்டிருந்த கண்ணாடி பொருத்திய மேசை, அடுப்பு என்பன முற்றாக சேதமடைந்துள்ளன.

விபத்துக்குள்ளான குறித்த மோட்டார் சைக்கிள் ஓட்டுனர் இவ்விபத்து  இடம்பெறுவதற்கு சற்று முன்னர் மத்திய  வீதியிலும் சிறு விபத்துக்குள்ளாகியிருந்தார் என்பது குறிப்பிடத்தக்கது.