பிரான்ஸில் முக்கிய புலி தளபதி கைது - மற்றுமொரு புலி கொலையில் தொடர்பு..?

விடுதலைப்புலிகளின் தலைவர்களில் ஒருவரான விநாயகம் பிரான்ஸ் காவற்துறையினரால் கைதுசெய்யப்பட்டுள்ளார்.

விடுதலைப்புலிகளின் பிரான்ஸ் வலையமைப்பின் தலைவரான ரீகன் என அழைக்கப்படும் பரிதியின் கொலை தொடர்பாகவே அவர் கைதுசெய்யப்பட்டுள்ளார். சந்தேக நபர் பாரீஸ் நகரில் வைத்து கைதுசெய்யப்பட்டுள்ளதாக காவற்துறையினர் தெரிவித்துள்ளனர்.

ஐரோப்பாவில் உள்ள புலிகளின் வலையமைப்பில் விநாயகம் அணியினர் பலம் பொருந்திய அணியாக கருதப்படுகிறது. விநாயகம் 2009 ஆம் ஆண்டு ஐரோப்பாவிற்கு சென்றதுடன் அங்கு புலிகளின் வலையமைப்புக்கு பொறுப்பாக நியமிக்கப்பட்டார். அதேவேளை கொலை செய்யப்பட்ட பரிதி நெடியவன் அணியின் முக்கிஸ்தர் ஆவார்.

இந்த செய்தியை தமிழ் ஊடகங்கள் கண்டுகொள்ளவில்லை. பிரான்ஸில் பரிதி கொலையை இலங்கை அரசாங்கத்துடன் தொடர்புபடுத்தி தமிழ் ஊடகங்கள் செய்தி வெளியிட்டிருந்தன. தற்போது விநாயகம் கைது செய்யப்பட்டுள்ளமையானது. பரிதியின் கொலையானது புலிகளின் உள்ளக முரண்பாடு என்பதை வெளிக்காட்டியுள்ளது.