புத்தளம் கல்வி, சமூக, சூழல் அபிவிருத்தி ஒன்றியத்தின் விழிப்புணர்வு போட்டி (படங்கள்)

(அபூ நாதில்)

புத்தளம் கல்வி, சமூக மற்றும் சூழல் அபிவிருத்திக்கான ஒன்றியம்  பாடசாலை மாணவர்களுக்கிடையே நடாத்திய புகைத்தல் மற்றும் போதைப் பொருள் பாவனைக்கு எதிரான விழிப்புணர்வு போட்டி நிகழ்ச்சியின் பரிசளிப்பு விழா இன்று 23-11-2012 மாலை புத்தளம் ஸாஹிரா ஆரம்ப பாடசாலையில் நடைபெற்றது. 

கவிதை, கட்டுரை, ஓவியப் போட்டிகளில் வெற்றி பெற்ற மாணவர்களுக்கான பரிசில்கள் வழங்கி வைக்கப்பட்டதோடு போட்டி நிகழ்ச்சிகளில் பங்கு பற்றியவர்களுக்கு சான்றிதழ்களும் வழங்கி வைக்கப்பட்டன. 

கல்விக்காக சேவைக்காக ஓய்வு பெற்ற ஆசிரியர் என்.  எம். ஹலீல் கல்வி அபிவிருத்திக்கான கௌரவப் பட்டமும்  சமூக சேவைக்காக பீ. எம். எம். ஜாபிர் சமூக ஒத்துழைப்புக்கான கௌரவ பட்டமும்   வழங்கி  கௌரவிக்கப்பட்டனர்.