கோறளைப்பற்று மத்தி பிரதேச செயலக நிகழ்வுகளில் பிரதிமைச்சர் ஹிஸ்புல்லா பங்கேற்பு

(அனா)

திவிநெகும வாழ்வாதார பொருட்கள் கையளிப்பு, சிறுவர் முதியோர் வாரத்தை முன்னிட்டு நடாத்தப்பட்ட போட்டி, சமுர்த்தி கெகுளு போட்டி நிகழ்ச்சியில் வெற்றியீட்டியவர்களுக்கான பரிசளிப்பு மற்றும் 'நங்கூரம்' மலர் வெளியிட்டு விழா என்பன கோறளைப்பற்று மத்தி பிரதேச செயலகத்தில் இடம் பெற்றன.

பிரதேச செயலாளர் நிஹாரா மெஜூத் தலைமையில் இடம் பெற்ற நிகழ்வில் பிரதம அதிதியாக சிறுவர் அபிவிருத்தி மகளிர் விவகார பிரதி அமைச்சர் எம்.எல்.ஏ.எம்.ஹிஸ்புல்லாஹ் கலந்து கொண்டதுடன் அதிதிகளாக வாழைச்சேனை நன்னடத்தை நிலையப் பொருப்பாளர் எம்.எம்.எச்.நஜிமுதீன், வாழைச்சேனை ஆயிஷா மகளிர் மகா வித்தியாலய அதிபர் எம்.ரீ.எம்.பரீட் உள்ளிட்ட பலரும் கலந்து கொண்டனர்.

இந்நிகழ்வின் போது பிரதி அமைச்சர் எம்.எல்.ஏ.எம். ஹிஸ்புல்லாஹ்வின் பண்முகப் படுத்தப்பட்ட வரவு செலவுத் திட்ட நிதியில் பாலர் பாடசாலைகள் மற்றும் சன சமுக நிலையங்களுக்கு பொருட்கள் வழங்கப்பட்டதுடன் சிறுவர்களது கலை நிகழ்ச்சிகளும் இடம் பெற்றன.