முன்னாள் பிரதியமைச்சர் ஹூசைன் பைலாவின் மகன் வாகன விபத்தில் வபாத்

(அனா)

மட்டக்களப்பு – கொழும்பு பிரதான வீதியில் மன்னம்பிட்டியில் நேற்று (04.11.2012) இரவு 11.00 மணியளவில் இடம் பெற்ற வாகன விபத்தில் ஒருவர் உயிர் இழந்துள்ளார்.

மன்ன்பிட்டி மட்டக்களப்புச் சந்தி என்றழைக்கப்படும் இடத்தில் மட்டக்களப்பு பகுதியில் இருந்து வந்த லொறியும் எதிரே வந்த மோட்டார் சைக்கிளும் நேருக்கு நேர் மோதியதில் இந்த விபத்து நிகழ்ந்துள்ளது.

மோட்டார் சைக்கிளில் வந்த முன்னாள் பிரதி அமைச்சர் ஹூசைன் பைலாவின் மகன் நதீம் பைலா (வயது – 42) மரணமடைந்துள்ளார். இவரது ஜனாஸா பொலனறுவை போதனா வைத்தியசாலையில் வைக்கப்பட்டுள்ளதுடன் இவ் விபத்துத் தொடர்பாக பொலனறுவை பொலிஸார் விசாரனைகளை மேற்கொண்டு வருகின்றனர்.