லண்டன் மீன்மார்க்கட்டில் முகமது ஷாகித்தின் மீன்பாட்டு (வீடியோ)

பிரிட்டன் மீன் மார்க்கெட்டில், பாகிஸ்தானிய வியாபாரி ஒருவர், பாட்டு பாடி வாடிக்கையாளர்களை ஈர்த்து வருகிறார். பிரிட்டனின் தென்கிழக்கு பகுதியில் உள்ளது கென்ட் நகரம். இங்குள்ள குயின்ஸ் மார்க்கெட்டில், மீன் வியாபாரம் செய்பவர் முகமது ஷாகித் நசீர். கடந்த ஆண்டு தான், இவர் லண்டனுக்கு வந்தார்.

அந்த மார்க்கெட்டிலேயே, இவரது கடையில் தான் விற்பனை அதிகம். காரணம், யாரையும் இவர் அழைப்பதில்லை. மாறாக, ஏராளமான சினிமா மற்றும் பாப் பாடல்களை பாடுகிறார். அந்த பாடல் வரிகளில், மீன்களின் பெயர்களையும், விலையையும் சேர்த்து, ராகமாக பாடுவதால், வாடிக்கையாளர்கள் கூட்டம், அலை மோத துவங்கி விட்டது. மீன் வாங்க வருபவர்களை விட, இவரது பாட்டை கேட்க வருபவர்கள் அதிகமாக உள்ளனர். இந்த மீன் மார்க்கெட்டுக்கு, அமெரிக்கா, ஆஸ்திரேலியா, கனடா நாட்டினரும் வருகின்றனர். ஆங்கிலத்தில், மீன் பாட்டு பாடும் நசீரை, பலர் படம் எடுத்து, "யூ டியூப்' இணைய தளத்தில் ஒளிபரப்பியுள்ளனர்.

மீன் மார்க்கெட்டில், நசீர் பாடும் பாடலை இதுவரை இணைய தளத்தில் 36 லட்சம் பேர் பார்த்துள்ளனர்.