சிறையிலிருந்து பெருந்தொகை ஆயுதங்கள் மீட்பு - சம்பவத்திற்கு காரணமான தாதாக்களும் பலி

வெலிக்கடை சிறைக்குள் இருந்த இரண்டு ஆயுதக்களஞ்சியங்களை உடைத்து அங்கிருந்த 250 துப்பாக்கிகள் மற்றும் 90 கைத்துப்பாக்கிகளை கைதிகள் கைப்பற்றியுள்ளனர். எனினும் அவற்றுக்குரிய ரவைகள் மட்டுப்படுத்தப்பட்ட அளவிலேயே அங்கு இருந்ததாக அதிகாரிகள் கூறியுள்ளனர். 

வெலிக்கடை சிறைச்சாலையினுள்  இடம்பெற்ற கலவரத்திற்கு காரணமானவர்கள் என கருதப்படும் கைதிகளான “மஹரகம களு துஷார” மற்றும் “தொட்டலங்க கபில” ஆகிய இரு பிரபல நிழலுலக ஜாம்பவான்களும் நேற்று இடம்பெற்ற தாக்குதலில் கொல்லப்பட்டுள்ளதாக தகவல்கள் தெரிவிக்கின்றன.

இராணுவத்தினரும் பொலிஸாரும் இணைந்து தப்பியோடிய கைதிகளை கைதுசெய்யும் நடவடிக்கை மேற்கொண்டுள்ளதாகவும், கலவரத்தில் ஈடுபட்ட  7 கைதிகள் சரணடைந்துள்ளதாகவும் உத்தியோகபூர்வ செய்திகள் மேலும் தெரிவிக்கின்றன. 

தப்பியோடிய சிலரை கைதுசெய்ய இன்னமும் தேடுதல் நடவடிக்கைகள் முடுக்கிவிடப்பட்டுள்ளதாக தெரிவிக்கப்படுகின்றது

.