காத்தான்குடி மீரா பாலிக்காவில் குரங்குள் புகுந்து அட்டகாசம்

(மொஹமட் பாயிஸ்)

காத்தான்குடி பிரதான வீதியில் அமைந்துள்ள மீரா பாலிகா மகா வித்தியாலயத்துக்குள் இன்று குரங்குகள் புகுந்து அட்டகாசம் புரிந்துள்ளது. இதனால் அங்கு பயிலும் சிறிய மாணவ மாணவிகள் அலறி அடித்துக்கொண்டு அருகில் உள்ள மேல் வகுப்பு மாணவர்களின் வகுப்பறைக்குள் தஞ்சம் புகுந்தனர். உடனடியாக சில ஆசிரியர்கள் முன் வந்து குரங்குகளை விரட்டும் பணியில் ஈடு பட்டதுடன் மாணவர்களையும் அமைதிப்படுத்தினர். இதனால் சில மணி நேரம் சிறிய வகுப்பு மாணவர்களின் பாடங்கள் தடைப்பட்டன. 

 காத்தான்குடி ஆரையம்பதி எல்லைப் பகுதியில் உள்ள வீடுகளில் குரங்குகளின் அட்டகாசம் அடிக்கடி இடம்பெறுகிறது. வீடுகளின் ஓடுகள் உடைக்கப்படுவதும் மரங்களில் உள்ள பழங்களும் குரங்குகளினால் பறிக்கப்படுகிறது.