காஸா மீது ஆக்கிரமிப்பு இஸ்ரேல் விமான தாக்குதல்

பாலஸ்தீனகளைக் குறிவைத்து, காஸா பகுதியில் இஸ்ரேல் கடும் வான் தாக்குதலைத் தொடுத்துள்ளது. போராளிகள்  பதுங்குமிடங்களையும், ஆயுதக் கிடங்குகளையும் குறிவைத்து தாக்கியதாக இஸ்ரேல் ராணுவம் தெரிவித்துள்ளது. மொத்தம் 110 ராக்கெட் குண்டுகள் ஏவப்பட்டுள்ளன. 

இஸ்ரேலுக்கு எதிரான எந்த நடவடிக்கையையும் பொறுத்துக் கொள்ள மாட்டோம். பாலஸ்தீனவாதிகள் இஸ்ரேல் பகுதியில் நடத்திய தாக்குதலுக்கு தகுந்த பதிலடி கொடுக்கப்பட்டுள்ளது என்று அந்நாட்டு பாதுகாப்புத் துறை அமைச்சகம் தெரிவித்துள்ளது.

இப்பகுதியில் சமீபகாலமாக மீண்டும் பதற்றம் அதிகரித்துள்ளது. சில நாள்களுக்கு முன்பு இஸ்ரேல் நடத்திய வான் தாக்குதலில் 8 பாலஸ்தீனர்கள் கொல்லப்பட்டனர். இஸ்ரேல் ராணுவத்தினர் சென்ற ஜீப் மீது பாலஸ்தீனவாதிகள் நடத்திய தாக்குதலை அடுத்தே இந்த நடவடிக்கை எடுக்கப்பட்டதாக அப்போது இஸ்ரேல் கூறியிருந்தது.