இலங்கை முஸ்லிம்களை நோக்கி மியன்மாரை ஒத்த வன்முறைக்களம்..!

(By faji)

இன்று காசாவை பற்றி பேசிக்கொண்டு இருப்பது முஸ்லிம் சகோதரத்துவத்தின் பிணைப்பை காட்டுவதில் மகிழ்ச்சியாக இருந்தாலும் இலங்கை முஸ்லிம்களை நோக்கி மியன்மாரை ஒத்த வன்முறைக்களம் ஒன்று பேரினகடும்போக்கு வாதிகளால் தயாராக்கபடுகின்ற ஆபத்தை பற்றியும் பேசாமாமல் இருக்கமுடியாது. 

இன்னும் சுயநலபோக்குடனும்,கருத்து முரண்பாடுகளுடனும் தூங்கிக்கொண்டு இருக்கின்றோம். நம்மை சுற்றி அடக்குமுறை வேலி இறுக்கமாகபோடுவதை அலட்டிக்கொள்ளவில்லை. 

அரசியல்தலைமைகள் தங்களுடைய அரசியல் ஸ்த்திரதன்மைக்கு மாத்திரம் அதிகமுக்கியத்துவம் வழங்குகின்ற நிலைமையும்,இஸ்லாமிய கொள்கைகளால் சகோதரத்துவ முரண்பாடுகளும் நமது சமுகத்துக்கு ஆரோக்கியமானதொன்றல்ல.

இது தவிர அதிகமான முஸ்லிம்களின் தனிப்பட்ட ஆன்மீக பலமும் நிலைகுலைந்ததாக காணப்படுகின்றமையும் இறைவனின் வெறுப்பைப்பெற்ற கூட்டமாக மாறுவதற்கு வழிவகுத்துவிடும் 

ஆன்மீகபலம் இழந்தவர்களாக நாம் காணப்படுவோமானால் எம்மை அடையும் சோதனை பலமானதாக இருக்கலாம்.  

தலைமைகள் தங்களின் பொறுப்புகளில் இருந்து நழுவுகின்றபோது நமது தேவைகளும் பாதுகாப்பும் அச்சுறுத்தலுக்கு  உள்ளாகும். இந்த அச்சுறுத்தலுக்கு தலைமைகளை உருவாக்கிய ஒவ்வொரு தனிமனிதனும் பொறுப்பாளி என்பதை மறுக்கமுடியாது 

உலகவாழ்க்கைக்கு முக்கியத்துவம் வழங்குகின்ற தலைமைகள் சமூகத்திற்கு அற்பணிப்புடன் செயற்படமுடியாது.

இவையெல்லாம் ஒருபுறம் வைத்து விட்டு ஒவ்வாரு முஸ்லிமும் அவசரமாக   இறங்கவேண்டிய பதுகாப்பு கோட்டை தொழுகையாகும்.உயிரோட்டமுள்ள தொழுகையூடாக நமது பாதுகாப்பு உறுதிப்படுத்தப்படும் என்பதில் சந்தேகம் இல்லை.

ஏனெனில் இது அல்லாஹுவின் வாக்கு. அவன் மாறுசெய்பவன் அல்ல   

ஒரு நாளைக்கு 17தடவைகளுக்கும் அதிகமாக சூரா பாத்திஹாவை ஓதுகின்றோம்.அது சரியானமுறையில் மன ஒருமையுடன்  பிரார்த்திக்கப்ப்படுமானால், அதுவே மிக பெரும் பாதுகாப்பு கோட்டையாகும்.  

 "உங்களுக்கு முன் எந்த இறைத்தூதருக்கும் வழங்கப்பெற்றிராத இருபேரொளிகள் உங்களுக்கு வழங்கப்பெற்றுள்ள நற்செய்தியை பெறுங்கள்.'அல்பாத்திஹா'அத்தியாயமும் 'அல்பகரா'அத்தியாயத்தின் இருதிவசனங்களுமே அவை. அவற்றிலுள்ள எதை நீங்கள் ஓதினாலும் அது உங்களுக்கு வழங்கபெறாமல் இருப்பதில்லை"என வானவர் நபி அவர்களுக்கு கூறினார். (ஸஹிஹ் முஸ்லிம்),  

 "தொழுகை எனக்கும் என் அடியாருக்குமிடையே இருபாதிகளாக நான் பங்கிட்டுவிட்டேன் என்  அடியாருக்கு அவர் கேட்டது கிடைக்கும்என அல்லாஹ் கூறினான். என்ற    ஹதிஸ் தொடரும் ",நான் என் அடியானை நேசித்து விட்டால், அவன்கேட்கும் கேள்வியாக, அவன்பார்க்கும் பார்வையாக, அவன்பிடிக்கும்கையாக,அவன்நடக்கும் காலாக நான் ஆகிவிடுவேன்.அவன் என்னிடம்கேட்டால் அவனுக்கு நான்கொடுபேன். அவன் என்னிடம் பாதுகாவல் தேடினால் நான் நிச்சயமாக பதுகாப்பளிப்பேன்" (புஹாரி )என்ற ஹதீஸ்கள் போதுமானவை என நினைக்கிறேன்.  சிறுபான்மையாக வாழ்கின்ற நமக்கு ஆன்மீகப்பலம் அவசியமானது. ..!