வெலிக்கடை சிறையிலிருந்த தங்க நகைகள் அனைத்தும் கொள்ளைபோனது..!

வெலிக்கடைச் சிறைச்சாலையில் பாதுகாப்பாக வைக்கப்பட்டிருந்த தங்க நகைகள் அனைத்தும் சிறையில் இடம்பெற்ற கலவரத்தின் போது கொள்ளையடிக்கப்பட்டுள்ளதாக சிறைச்சாலைகள் ஆணையாளர் நாயகம் கொடிப்பிலி தெரிவித்துள்ளார்.

கடந்த ஒன்பதாம் திகதி வெலிக்கடைச் சிறைச்சாலையில் பாதுகாப்பு படையினருக்கும் சிறைக்கைதிகளுக்குமிடையில் இடம்பெற்ற கலவரத்தின் போது இவ் நகைகள் அனைத்தும் காணாமல் போயுள்ளதாகவும்.

சிறைத்தண்டனை பெற்ற கைதிகள் அணிந்திருந்த தங்க நகைகள், அவர்களது சிறைக்காலம் முடியும் வரை சிறைச்சாலை நிர்வாகத்தினால் பொறுப்பேற்கப்பட்டு பாதுகாப்பான இரும்புப் பெட்டகத்தில் வைக்கப்படும்.

அவ்வாறு பாதுகாப்பாக வைக்கப்பட்டிருந்த நகைகளே தற்போது கொள்ளையிடப்பட்டுள்ளதாக தெரிவிக்கப்படுகிறது.