தினக்குரல் ஊடகவியலாளர் ஹுஸ்னாவுக்கு இலங்கை மருத்துவ சங்கத்தின் விருது

தினக்குரல் ஆசிரிய பீடத்தைச் சேர்ந்த ஊடகவியலாளர் எச்.ஹுஸ்னா இலங்கை மருத்துவ சங்கத்தின் 2012 ஆம் ஆண்டுக்கான சிறந்த மருத்துவக் கட்டுரையாளருக்கான விருதைப் பெற்றுள்ளார்.

இவர் ஏற்கனவே இலங்கை பத்திரிகை ஆசிரியர் சங்கமும் இலங்கை பத்திரிகை ஸ்தாபனமும் இணைந்து வழங்கிய 2009 ஆம் ஆண்டுக்கான சிறந்த சமூக அபிவிருத்தி செய்தியாளருக்கான விருதையும், 2011 ஆம் ஆண்டுக்கான சிறந்த விவரண கட்டுரையாளருக்கான விருதையும் இலங்கை மருத்துவ சங்கத்தின் 2011 ஆம் ஆண்டுக்கான சிறந்த மருத்துவக் கட்டுரையாளருக்கான விருதையும் பெற்றுள்ளார். 

கொழும்பு மீரானியா வீதியை சேர்ந்த இஹ்சானியா அரபிக் கல்லூரி அதிபர் மௌலவி எம்.இஸட்.எம்.ஹுசைன், ஜெனீகா தம்பதியினரின் மகளான இவர் அல்ஹசனாத் இஸ்லாமிய சஞ்சிகையின் பொறுப்பாசிரியர் அஷ்ஷெய்க் எம்.ஏ.ஜெம்சித்தின் மனைவியுமாவார்.

இன்று வெள்ளிக்கிழமை கொழும்பு7 இல் உள்ள இலங்கை மருத்துவ சங்கத்தின் கேட்போர் கூடத்தில் மாலை 5.45 மணியளவில் இடம்பெறும் நிகழ்வில் வைத்து இவருக்கான விருது வழங்கப்படவுள்ளது.