பௌத்த அமைப்புக்கள் சதி..! - இலங்கை முஸ்லிம்களோ தூக்கத்தில்..!!

இலங்கையில் மற்றுமொரு கலவரத்தை ஏற்படுத்த பௌத்த பொது பலசேனா என்ற அமைப்பு முயற்சித்துவரும் நிலையில், முஸ்லிம் சமூகம் அதுபற்றி சநிதிக்காது தூங்கிக் கொண்டிருப்பதாக மௌலவி தஹ்லான் குறிப்பிட்டுள்ளார்.

கொழும்பில் அண்மையில் நடைபெற்ற நிகழ்வொன்றில் உரையாற்றியுள்ள அவர் மேலும் தெரிவித்திருப்பதாவது,

பௌத்த பலசேனா என்ற அமைப்பு முஸ்லிம்களுடன் இணக்கப்பாட்டோடு வாழும் சிங்கள மக்களின் மத்தியில் விஷமக் கருத்துக்களை பரப்பி, முஸ்லிம்கள் மீதான தப்பபிப்பிராயத்தை ஏற்படுத்த முயலுகிறது. 1983 இனக்கலவரத்தை போன்ற ஒன்றை முஸ்லிம்களுக்கு எதிராககட்டவிழத்துவிட எதிர்பார்த்துக் கொண்டிருக்கின்றனர்.

எனினும் முஸ்லிம்கள் இதுவரையில் இவ்விடயம் பற்றி சற்றேனும் சிந்திக்கவில்லை. இயக்கங்கள் என்ற ரீதியில் பிரிந்து அதன்பாலே எமது கவனம் சென்று கொண்டிருக்கிறது. இவ்வாறு பிரிந்து செயற்படுவதால் எமக்கெதிரான சக்திகளை தகர்ப்பதற்கான பலத்தை இழந்துள்ளோம் எனவும் அவர் மேலும் குறிப்பிட்டுள்ளார்.