வாகன விபத்தில் முஸ்லிம் மாணவி அகால மரணம் - கட்டுகஸ்தோட்டையில் சம்பவம்

(ஜே.எம்.ஹாபீஸ்)

கண்டி, கட்டுகஸ்தோட்டை இனிகல முஸ்லிம் வித்தியாலயத்திற்கு அருகாமையில் இன்று 2012 10 26 காலை ஏழு மணி அளவில் இடம் பெற்ற வாகன விபத்து ஒன்றில் பாடசாலை மாணவி ஒருவர் உயிரிழந்துள்ளார்.

கண்டியிலிருந்து கொண்டதெனிய வரை சென்று கொண்டிருந்த தனியார் பஸ் வண்டி ஒன்றில் மோதியதில் ஏற்பட்ட விபத்து காரணமாக இனிகல முஸ்லிம் வித்தியாலயத்தில் 10 ம் ஆண்டில் கல்வி கற்று வந்த கியால்தீன் பாத்திமா ஹப்சா என்ற 16 வயதுடைய மாணவியே உயிரிழந்தவராவார்.

இவ் விபத்தின் பின் ஆத்திரம் அடைந்த பிரதேச மக்கள் பஸ் வண்டியை தாக்கி சேதப்படுத்திவுள்ளதுடன் அதனை தீயிட எடுக்கப்பட்ட முயற்சி பொலீஸாரினால் முறியடிக்கப்பட்டுள்ளது.

விபத்தில் உயிரிழந்த மாணவியின் சடலம் தற்போது கட்டுகஸ்தோட்டை வைத்தியசாலையில் வைக்கப்பட்டுள்ளதுடன் மரன விசாரணையை இன்று நடாத்த ஏற்பாடு செய்யப்பட்டுள்ளது. கட்டுகஸ்தோட்டை பொலீஸார் மேலதிக விசாரணையை நடாத்துகின்றனர்.