சொகுசு வாகனத்தில் கஞ்சா கடத்தலில் ஈடுபட்ட குடும்பத்தினர் கைது (படங்கள்)

(ஜே.எம்.ஹபீஸ்)

ஓய்வு பெற்ற கடற்படை வீரர் ஒருவரும் அவரது குடும்பத்தினரும் சொகுசு மோட்டார் வாகனத்தில் கஞ்சா கடத்தலில் ஈடுபட்டிருந்த போது அலவத்துகொடை போலீஸாரினால் கைது செய்யப்பட்டுள்ளனர்.

சுமார் ஐந்து கிலோ கஞ்சாவுடன் அலவத்துகொடை  பொலீஸார் நேற்று 2012 10 27 இரவு 9.45 மணி அளவில் அக்குறணை ஏழாம் கட்டைப் பகுதியில் வைத்து கைது செய்துள்ளனர்.

புத்தளை பிரதேசத்திலிருந்து மாத்தளை பிரதேசத்திற்கு எடுததுச் செல்லும் போதே இக் கஞ்சா தொகையை பொலீஸார் கைப் பற்றினர். மோட்டார் வண்டியின் பின் பகுதியில் பதுக்கி வைக்கப்பட்டிருந்த ஐந்து கிலோகிரேம் கஞ்சா தொகைiயை பொலீஸார் கைப்பற்றிவுள்ளனர்.

அவருடன் மோட்டார் வண்டியில் பயணித்த அவரது மனைவி, 18 வயதுடைய மகன், மற்றும் இருவர் உற்பட ஐவர் பொலீஸாரால் கைது செய்யப்பட்டுள்ளனர்.

மாத்தளை வேரகந்த பிரதேசத்தில் வசிக்கும் இவர்களை இன்று 28 கண்டி நீதிமன்றில்  ஆஜர் செய்யவுள்ளதாக பொலீஸார் தெரிவித்தனர். அலவத்துகொடை பொலிஸ் நிலைய பொருப்பதிகாரி நிஷாந்த ஹெட்டியாரச்சி தலைமையிலான பொலிஸ் குழு ஒன்று மேலதிக விசாரணைகளை நடாத்துகின்றது.