வடக்கு முஸ்லிம்களின் பலவந்த வெளியேற்றம் - யாழ்ப்பாணத்தில் நினைவுநாள் (படங்கள்)

யாழ் முஸ்லிம்களின் இருப்புக்கு வேட்டுவைக்கப்பட்டு (30-10-2012 செவ்வாய்கிழமை) 22 வருடங்கள் உருண்டோடிவிட்டன. இந்த நிலையில் குறித்த புலிகளின் பலவந்த இனச்சுத்திகரிப்பு நடவடிக்கையினை நினைவுகூரும் வகையில் யாழ்,கிளிநொச்சி முஸ்லிம் சமேளனம் யாழ்ப்பாணத்தையும் வெளிமாவட்டங்களிலும் பல்வேறு நிகழ்ச்சிகளை ஏற்பாடு செய்திருந்தது. அதற்கமைய நேற்று ஒக்டோபர் 30ம் நாள் யாழ் ஜின்னாஹ் மைதானத்தில் பிரமாண்டமான பொதுக்கூட்ட நிகழ்வொன்றினை ஏற்பாடு செய்திருந்தது. குறித்த தினத்தில் வட இலங்கையில் நிலவிய தாழ் அமுக்க காலநிலை காரணமாகவும் அடை மழை காரணமாகவும் குறித்த நிகழ்வு  யாழ் ஒஸ்மானியா வளாகத்தில் நடைபெற்றது.

இந்த நிகவிற்கு யாழ் கிளிநொச்சி முஸ்லிம் சம்மேளனத்தின் தலைவர் சகோதரர் நிலாம் தலைமை தாங்கினார். நிகழ்வின் வரவேற்புரையினையும், அறிமுக உரையினையும் யாழ் கிளிநொச்சி முஸ்லிம் சம்மேளனத்தின் பொதுச் செயலாளர் சட்டத்தரனி எம்.எம்.றமீஸ்  நிகழ்த்தினார்கள். 

 நிகழ்வில் பங்கேற்ற யுத்தத்தினால் பாதிக்கப்பட்ட மக்கள் அமைப்பின் பணிப்பாளரும் உரையாற்றினார்.

இறுதியாக நன்றியுரையில் சம்மேளனத்தின் முன்னை நாள் தலைவர் எம்.யூ.எம்.தாஹிர், புலிகள் எம்மை 1990களில் வெளியேற்றியதை தவறு எனப்புரிந்துகொண்டார்கள், அதற்காக அவர்கள் மன்னிப்பும் கோரினார்கள், ஆனால் இன்று ஒரு சில அரச அதிகாரிகள், ஊடகங்கள் புலிகளை விடவும் மோசமாக முஸ்லிம்களை மீளக்குடியேற்ற விடக்கூடாது என்ற எண்ணத்தில் இருக்கின்றார்கள். எனவே இவர்கள் உண்மைகளைப் புரிந்துகொண்டு மனித நேயத்துடன் நடந்துகொள்ள வேண்டும் மஹிந்தவின் அரசு இவர்கள் விடயத்தில் கடுமையான நடவடிக்கை எடுக்க வேண்டும் இதனை நான் எனது நன்றியுரையில் வலியுறுத்த விரும்புகின்றேன் எனத் தெரிவித்து அனைவருக்கும் நன்றி கூறி விடைபெற்றார்.

முழுமையான நிகழ்வுகளையும் யாழ்,கிளிநொச்சி முஸ்லிம் சம்மேளனத்தின் ஸ்தாபக செயலளார் அஷ்-ஷெய்க் அஸ்மின் அய்யூப்  வழிநடாத்தினார்கள். நிகழ்வுகள் துஆவுடன் இனிதே மாலை 6.30 மணிக்கு நிறைவடைந்தன.