திருகோணமலையில் திவிநெகுமே அறிவூட்டல் கருத்தரங்கு (படங்கள்)

(ஏ.எல்.றபாய்தீன்பாபு)

திவிநெகும அறிவூட்டல் கருத்தரங்கு கிழக்கு மாகாண முதலமைச்சர் அலுவலகத்தின் அனுசரனையுடன் ஞாயிற்றுக் கிழமை காலை 9.30 தொடக்கம் மாலை 12.30 வரை திருகோணமலை குளக்கோட்டன் அரங்கில் நடைபெற்றது.

கிழக்கு மாகாண முதலமைச்சர் நஜீப் அப்துல் மஜீத் தலைமையில் நடைபெற்றது.இந்நிகழ்வில் விளையாட்டுத்துறை அமைச்சர் மஹிந்தானந்தே அளுத்கமகே மற்றும் திருகோணமலை,மட்டக்களப்பு மாவட்டத்தைச் சேர்ந்த உள்ளுராட்சி சபைகளின் ஆளும் கட்சியின் தலைவர்கள்,உப தலைவர்கள்,உறுப்பினர்கள், மட்டக்களப்பு மாநகர மேயர் சிவகீத்தா பிரபாகரன் முதலமைச்சரின் செயலாளர் யூ.எல்.ஏ.அஸீஸ் ஆகியோர் பங்கு பற்றினர்.

இந்நிகழ்வுக்கு 171 உறுப்பினர்களுக்கு அழைப்பு விடுக்கப்பட்டதாக ஏற்பாட்டாளர்கள் தெரிவித்தனர் இவ்வாறானதொரு கருத்தரங்கு திங்கள்கிழமை அம்பாறையில் நடாத்துவதற்கான ஏற்பாடுகள் செய்யப்பட்டுள்ளதாக தெரிவிக்கப்படுகிறது.