சாய்ந்தமருதில் சர்வதேச முதியோர் தின நிகழ்வுகள் (படங்கள்)

(அபுதீனா)

சர்வதேச முதியோர் தினத்தினை முன்னிட்டு நேற்று சாய்ந்தமருது கமு/றியாலுல் ஜன்னா வித்தியாலயத்தின் கேட்போர் கூடத்தில் நடைபெற்து.

சாய்ந்தமருது 12 தக்வா முதியோர் சங்கத்தின் தலைவர் ஓய்வுபெற்ற ஆசிரியர் ஏ.எல்.ஏ. முஹம்மட் அலி தலைமையில் நடைபெற்ற முதியோர் தின விழாவில் பொல்லடி, வாபாமார்களின் ரவான், நாட்டார் பாடல்கள் போன்ற பல்வேறுபட்ட கிராமிய கலை நிகழ்வுகளும் இடம்பெற்றன.

மேற்படி நிகழ்வில் சிரேஸ்ட பிரஜைகளை கௌரவிக்கும் நிகழ்வுகளும் இடம்பெற்றன. இந்நிகழ்வுக்கு பிரதம விருந்தினராக கிழக்கு மாகாண சபை உறுப்பினரும், இளைஞர் காங்கிரஸின் தேசிய அமைப்பாளரும், கிழக்கு மாகாண சபை குழுக்களின் தலைவருமான ஏ.எம்.ஜெமீல் கலந்து கொண்டார்.

சிறப்பு விருந்தினர்களாக கல்முனை மாநகர சபை உறுப்பினர் ஏ.ஏ. பஷீர், அம்பாரை மாவட்ட சமூக சேவைகள் திணைக்களத்தின் உத்தியோஸ்தர் எம்.பி.சம்சுடீன், கமு/றியாலுல் ஜன்னா வித்தியாலயத்தின் அதிபர் எம்.ஐ.சம்சுடீன், சாய்ந்தமருது பிரதேச செயலகத்தின் நிர்வாக உத்தியோகஸ்தர் எம்.எம்.உதுமாலெவ்வை, சாய்ந்தமருது சிரேஸ்ட பிரஜைகளின் சம்மேளனத்தின் செயலாளர் ஓய்வு பெற்ற அதிபர் ஏ.ஏ.அஹமட் லெவ்வை மற்றும்  தக்வா முதியோர் சங்கத்தின் உறுப்பினர்ள் ஆகியோரும் கலந்து கொண்டனர்.