இலங்கையிலிருந்து முதலாவது ஹஜ் பயணிகள் நாளை புறப்படுகின்றனர்

ஏ.எஸ்.எம்.இர்ஷாத்

இந்த வருடத்திற்கான ஹஜ் கடமைகளை நிறைவேற்ற செல்லும் ஹாஜிகளின் முதலாவது குழுவின் முதல் விமானசேவை எதிர்வரும் புதன்கிழமை(26) ஆரம்பிக்கிறது என முஸ்லிம் சமய பண்பாட்டலுவல்கள் திணைக்கள பணிப்பாளர் வை.எல்.எம்.நவவி தெரிவித்துள்ளார். 

சுமார் 200 இற்கும் மேற்பட்ட ஹாஜிகளை ஏற்றிச்செல்லும் சவுதியா எஸ்.வி 789 என்ற விமானமே  புதன்கிழமை முற்பகல் 11.45 மணிக்கு கொழும்பிலிருந்து சவுதி அரேபியாவின் ஜித்தா விமான நிலையத்தைச் சென்றடையவுள்ளது. 

இந்த வருட ஹஜ் கடமையை நிறைவேற்றுவதற்காக இலங்கையிலிருந்து 2800 பேருக்கே அனுமதி கிடைக்கப்பெற்றுள்ளது. இலங்கையிலிருந்து ஹாஜிகளை ஏற்றிச் செல்லும் விமானசேவைகள் எதிர்வரும் ஒக்டோபர் இரண்டாவது வாரம் வரை இடம்பெறுமெனவும் திணைக்கள பணிப்பாளர் மேலும் தெரிவித்தார்.