இலங்கையிலிருந்து முதலாவது ஹஜ் குழு மக்கா நோக்கி புறப்பட்டது (படங்கள் இணைப்பு)
ஏ.எஸ்.எம்.இர்ஷாத்
இந்த வருடத்திற்கான புனித ஹஜ் கடமையை நிறைவேற்றுவதற்காக முதலாவது குழுவினர் கொழும்பு கட்டுநாயக்கா பண்டாரநாயக்கா சர்வதேச விமான நிலையத்திலிருந்து சவூதி அரேபியா நோக்கி இன்று புதன்கிழமை பயணமானார்கள்.
இவர்களை வழியனுப்பும் விசேட நிகழ்வு அமைச்சர் ஏ.எச்.எம்.பௌசி தலைமையில் கட்டுநாயக்கா விமான நிலையத்தில் நடைபெற்றது. இலங்கைக்கான சவூதி அரேபிய தூதரக அதிகாரிகள், முஸ்லிம் சமய பண்பாட்டலுவல்கள் திணைக்கள பணிப்பாளர் வை.எல்.எம்.நவவி மற்றும் முஸ்லிம் சமய பண்பாட்டலுவல்கள் திணைக்கள அதிகாரிகள், ஊழியர்கள் இதில் கலந்து கொண்டனர். சுமார் 268 பேர்கள் அடங்கிய முதலாவது குழுவே நேற்று சவூதி அரேபியா பயணமானது.
Post a Comment