பௌத்த தேசியவாதத்திற்கு முன்னால் இலங்கை முஸ்லிம்களுக்குள்ள சவால்!..!

மக்காவிலிருந்து ஐ.எல்.தில்ஷாத் முஹம்மத் (கபூரி)

(இலங்ளை முஸ்லிம் உம்மாவின் அவசர கவத்னதிற்கு.. 02 செப்டெம்பர் 2012 அன்று யாழ் இனையத்தில் வெளியான http://www.jaffnamuslim.com/2012/09/blog-post_2.html கட்டுரையைத் தழுவி..)

முஸ்லிம் உம்மத்திற்கெதிரான சவால்களும் அவற்றிற்கெதிரான அரைகூவல்களும் தொடர்ந்த வண்ணமிருப்பதை வரலாறு நெடுகிலும் காணமுடிகின்றது. இவை இன்று நேற்று தோற்றம்பெற்றதொன்றல்ல. நபிமார்கள் வாழ்ந்த காலப்பகுதியிலும் இவ்வாறான சவால்கள் இருந்திருப்பதனை அறியமுடிகின்றது. அடுத்து முஸ்லிம்களை சிறுபாண்மையாக கொண்டுள்ள நாடுகளில் மட்டுமா என்றால் இல்லை முஸ்லிம்கள் பெரும்பாண்மையாக வாழ்கின்ற நாடுகளிலும் இவைபோன்ற இஸ்லாத்திற்கெதிரான சவால்கள் இருக்கத்தான் செய்கின்றன.

ஆனால் நபிமார்கள் காலத்திலும், முஸ்லிம்கள் பெரும்பாண்மையாக வாழ்கின்ற நாடுகளிலும், முஸ்லிம்கள் சிறுபாண்மையினராக வாழ்கின்ற நாடுகளிலும் இந்த சவால்கள் முறியடிக்கப்பட்ட, முறியடிக்கப்படுகின்றவிதம் வித்தியாசமாக இருப்பதனை அவதானிக்க முடிகின்றது. 

அன்மையில் பதுள்ளை நகர சிங்கள இனவாதிகளால் வினியோகிக்கப்பட்ட ஒரு துண்டுப்பிரசுரத்தின் தமிழாக்கத்தினை யாழ் முஸ்லிம் இனையம் மூலமாக வாசகர்கள் அறிந்திருப்பார்கள். 

வழமையாக இவ்வாறான துண்டுப்பிரசுரங்கள் மொட்டையாகவே வெளியிடப்படுகின்ற போதிலும் குறித்த துண்டுப்பிரசுர வினியோகத்தர்கள் தங்களது பெயர் தொலைபேசி போன்றவற்றை குறிப்பிட்டு வெளியிட்டுள்ளமைக்காக நாம் முதலில் அவர்களுக்கு நன்றிசொல்லக் கடமைப்பட்டுள்ளோம். இதற்கான காரணத்தை ஒவ்வொரு சந்தர்ப்பத்திலும் குறித்துக் காட்டியுள்ளேன். 

ஆயிரம் வருடங்களுக்கு மேலான முஸ்லிம்களின் இலங்கை வரலாற்றில் இவ்வாரானதொரு காழ்ப்புணர்வு பௌத்தர்களுக்கு ஏற்பட்டது இதுதான் முதல்தடவையா என்றால் இல்லை, ஆங்கிளேயர்களின் ஆட்சி, சிங்கள மன்னர்களின் ஆட்சிமுதல் கொண்டு இன்றுவரை முஸ்லிம்கள் மீதான இந்த பகைமை, காழ்ப்புணர்ச்சி பல பரிணாமங்களை கண்டுகொண்டிருக்கின்றது என்பதை மிக இலகுவாக புரிந்து கொள்ளமுடியும். 1915ம் ஆண்டு கம்பளையில் ஏற்பட்ட சிங்கள முஸ்லிம் கலவரம் இலங்கையில் முஸ்லிம்களின் இருப்பை ஒருகணம் ஆட்டம்காணச் செய்தது என்பதை வரலாற்று நூல்களிலிருந்து அறிந்துகொள்ள முடிகின்றது. 

இவற்றை நான் இங்குகூறுவதற்கு என்ன காரணம் என்று நினைக்கத் தோண்றும். அன்றிருந்த முஸ்லிம்களிடம் எந்தவிதமான அரசியல் விழிப்புணர்வோ, சீரான தமைத்துவமோ இல்லாதிருந்த 1915ல் இவ்வாரான பெரும் சவால்களை எமது முன்னோர்கள் எவ்வாறு முறியடித்திருப்பார்கள் என்பதை நாம் ஒருகணம் சிந்தித்துப்பார்க்க வேண்டும். இன்று ஒரு சிறு பிரச்சினையைக்கூட தீர்த்துவைப்பதற்கு பதிலாக அதனை பூதாகரமாக்கி சுயஇலாபம் அடைய நினைக்கும் ஒரு பிரிவினர் தாம் எம்மை வழிநடாத்துவதை காணமுடிகின்றது. 

மனிதர்கள் பொதுவாகவே ஓர் இனவாதியாக சிந்திக்ககின்ற தன்மைகொண்டவர்கள். இது ஒவ்வொரு மதத்தினரிடத்திலும் காணப்படுகின்ற விடயமாகும். இதனை, அவர்கள் சார்ந்த மதநம்பிக்கையின் மீது கொண்டுள்ள பற்றுதலின் வெளிப்பாடு என்றும் கூறலாம். ஆனால் ஒரு சாரார் மற்ற சாராரின் மதஉரிமைகள், மதவிவகாரங்களில் தலையிடும் போது தான் பிரச்சினைகள் பூதாகரமாகின்றன. 

இன்றயை மதங்கள் எல்லாம் ஒன்றையே போதிக்கின்றன என்கின்ற வாதம் இங்கு தான் பிழையாகின்றது, புறக்கணிக்கப்படுகின்றது. ஒரு மதத்தில் தடுக்கப்படுகின்ற விடயம் பிரிதொரு மதத்தில் அனுமதிக்கப்படுவது மாத்திரமல்ல புண்ணிய கருமமாகவும் கருதப்படுகின்றது. இதற்கு பல உதாரணங்களைக் கூறலாம். இந்த கோணத்தில் இருந்து தான் இவ்வாரான பிரச்சினைகளை அனுக வேண்டும். மேற்சொன்ன தேரரின் காழ்ப்புணர்வும் முஸ்லிம்களுக்கெதிரான இந்தப் பிண்ணனியைக் கொண்டே அமைந்துள்ளது என்பது கீழ் வரும் விடயங்களில் இருந்து தெரியவருகின்றது.

பௌத்த இனம் வெகுசீக்கிரமாக அழிந்து போகும் ஓர் இனமாம்.

ஒரு சமயத்தின் ஆக்கமும் அழிவும் அந்த சமயம் சார்ந்த மக்களிலே தங்கியிருக்கின்றது. பௌத்த இனம் அழிவது மாத்திரமல்ல மற்ற இனங்கள் வெகுவாக பெருகுவதோடு இந்நாட்டையும் ஆக்கிரமித்துக் கொண்டிருக்கிறார்கள் என்பது தேரரின் ஆதங்கம். இலங்கையில் உள்ள இன்றைய பௌத்தர்களிடத்து பௌத்த மதம் சென்றடைந்திருக்கின்றதா என்பதை கட்டுரையாளர் கருத்திற்கொள்வதே இதற்கான சிறந்த விடையாக அமையும். பௌத்த மதம் அந்நியப்படுத்தப்பட்டதற்கான காரணங்களையும் கண்டறிவது சிறந்த பயணளிக்கும் என நினைக்கின்றேன். 

இலங்கையில் இதுவரை இஸ்லாமிய தூதினை மாற்று மதத்வர்களிடத்து எத்திவைப்பதற்கு எந்தவிதமான முன்னேற்பாடுகளும் பறந்தளவில் இதுவரை இஸ்லாமிய இயக்கங்களால் மேற்கொள்ளப்படவில்லை என்பது இந்த தேரர்களுக்கு தெரியாது போலும். ஒருவேளை அவ்வாறு இடம்பெற்றிருந்தால் கூட இவர்களின்; இந்த வேதனை நியாயமாணதாக இருந்திருக்கும்.  அந்த உன்னதமான பணியினை மறந்து செயல்பட்டுக்கொண்டிருக்கும் எமக்கு ஞாபகப்படுத்தியமைக்காக நாம் தேரர் அவர்களுக்கு நன்றியினைத் தெரிவித்துக் கொள்கின்றோம்.

சென்ற நூற்றாண்டோடு ஒப்பிடும் போது இலங்கையில் முஸ்லிம்களின் சனத்தொகை மாத்திரம் வளர்ச்சியடையவில்லை. மாறாக சராசரியா எல்லா மதங்களைச் சார்ந்தவர்களும் துரித வளர்ச்சினை கண்டிருப்பதனை இலங்கையில் அதிகரித்து காணப்படும் பொருளாதார, மற்றும் நகர அபிவிருத்திகள் மூலம் அறியமுடியுமாக இருக்கின்றது. முஸ்லிம்களின் மீதுள்ள காழ்ப்புணர்வின் காரணமாக தேரருக்கு இதனை சரியாக பிரித்தறிந்துகொள்ள முடியாதிருக்கின்றமை கவலையாக இருக்கின்றது. ஆனால் கடந்த காலங்களோடு ஒப்பிடும் போது முஸ்லிம் பெண்களிடம் காணப்படுகின்ற இஸ்லாமிய ஆடையடிப்படையிலான மாற்றங்கள் முஸ்லிம்கள் இந்நாட்டில் கனிசமானளவு பெருகிவிட்டார்கள் என்ற ஒரு பிரமையை இவர்களுக்கு ஏற்படுத்தியிருக்கக்கூடும். 

ஒருவேளை தேரர் அவர்கள் இந்நாட்டில் வாழ்கின்ற பௌத்தர்கள், பௌத்த தர்மத்தை மறந்து வாழ்வது போல் முஸ்லிம்களும், இஸ்லாத்தை மறந்து வாழவேண்டுமென ஆசைப்படுகின்றாரோ தெரியாது. அரைகுறை ஆடைகளுடனும் பெண்மைக்கே உரிதான அடக்கம் நானம் அற்று ஓர் இலங்கையை காண்பது தேரரின் அவாவாக இருக்கக்கூடும். இது தான் உங்கள் கனவென்றால் உங்களுக்கு வேண்டவே வேணடாம் பௌத்த மதகுரு என்ற அடைமொழி தேரர் அவர்களே. நாம் பௌத்தமத போதனைகளை உயர்வாக மதிக்கின்றவர்கள். பௌத்த போதனைகளை அவமதிக்காதீர்கள். 

அடுத்து சிங்கள மக்கள் தங்களது அன்றாட தேவைகளுக்கான பொருட்களை சிங்களவர்களுக்கு சொந்தமான கடைகளிலே வாங்க வேண்டும் என்று கூறிய தேரர் இது இனவாதமல்ல என்று தனது காழ்ப்புணர்வை நியாயப்படுத்தியுமள்ளார். இந்த விடயம் முஸ்லிம்கள் மிக உண்ணிப்பாக கவனத்தில் எடுக்கவேண்டியதொரு விடயமாகும். என்றாலும் முஸ்லிம்கள் தங்களது வியாபார நடவடிக்கைகளில் நேர்மையாகவும் நீதமாகவும் நடப்பார்களேயானால் இது ஒரு சவாலே அல்ல.

துரதிர்ஷ்டவசமாக பெரும்பாலான முஸ்லிம்களின் வியாபார நடவடிக்கைகளில் இஸ்லாம் இயம்புகின்ற வரையரைகள் பேணப்படாமை ஒன்றே போதும் அல்லாஹ்வின் தண்டனைக்கு உரியவர்களாவதற்கு. அளவு நிறுவைகளில் மேசமாக நடந்த ஒரு சமூகத்தினருக்கு அல்லாஹ் வழங்கிய தண்டனையை 1400 ஆண்டுகளாக அல்குர்ஆன் கூறிக்கொண்டிருக்கின்றது. மேற்கூறிய தேரரின் சிந்தனையும் எமது வியாபார சமூகத்திற்கு அல்லாஹ் வழங்குகின்ற ஒரு தண்டனையாக இருக்குமோ என்றும் எண்ணத்தோன்றுகின்றது. 

உமர் (ரழி) அவர்கள் காலத்தில் நடந்த ஒரு சம்பவத்தை இந்த இடத்தில் ஞாபகப்படுத்துவது பொருத்தமானதாக இருக்கும் என நினைக்கிறேன். ஒரு முறை உமர் (ரழி) அவர்கள் மதீனாவிலுள்ள சந்தைப்பக்கமாக செல்கின்றார்கள். அப்போது புதிதாக ஒரு கடை திறக்கப்பட்டிருப்பதை அவதானிக்கிறார்கள். அங்கு சென்ற கலீபா அவர்கள் இந்த கடையின் உரிமையாளர் யார் எனக் கேட்கிறார்கள். அப்போது ஒரு மனிதர் நான் தான் என தன்னை அறிமுகப்படுத்துகின்றார் ஒரு மனிதர். அப்போது கலீபா அவர்கள் இவ்வியாபாரத்தை புதிதாகத் தான் ஆரம்பித்தீரா? ஏனக் கேட்க, ஆம் எனப்பதிலலிக்கிறார் அம்மனிதர். அப்படியா நல்லது, இஸ்லாத்தில் வியாபார நடவடிக்கைகள் சம்பந்தமான ஷரீஆவின் வரையரைகளை அறிந்து வைத்துள்ளீரா என கலீபா அம்மனிதரைக் கேட்க இல்லை கலீபா அவர்களே என பதில் கூறுகிறார். அப்படியாயின் கடையை மூடிவிட்டு மதீனா பள்ளிக்குச் சென்று வியாபாரம் தொடர்பான ஷரீஆ வழிமுறைகளை கற்றுவாரும் எனக்கூறி கடை நடாத்துவதனை தடைசெய்யதார்கள் கலீபா உமர் (ரழி) அவர்கள்.

இந்த சம்பவம் எமக்கு ஒரு பெரிய விடயத்தினை உணர்த்தி நிற்கிறது. ஏனெனில் இஸ்லாம் நேர்மையான ஒரு வியாபாரியை மிக உயர்ந்த அந்தஸ்த்தில் வைத்து நோக்குகின்றது. அதேபோன்று வியாபாரத்தில் ஏமாற்று மோசடி செய்பவர்களுக்கு வைல் எனும் நரகம் தான் என்று கூறுகின்றது. இலங்கையில் உள்ள கனிசமான முஸ்லிம் வியாபாரிகள் பற்றி முஸ்லிம்களிடத்திலே நல்லபிப்பராயம் இல்லாதிருப்பதனை அவதானிக்கலாம். முஸ்லிம் பஸார்களில் ஒரு நிர்ணய விலையின்மையும், சந்தர்ப்பத்திற்கேட்றவாறு விலையில் மாற்றம் நிகழ்வதனையும் அவதானிக்க முடிகின்றது. (மாற்று மதத்தவர்களது கடைகளில் நேர்மையும் நியாயமும் கடைபிடிக்கப்படுகின்றது என்று கூறவும் வரவில்லை) முஸ்லிம்களது பெருநாட் தினங்களில் காணப்படுகின்ற ஈடுசெய்ய முடியாதிருக்கின்ற விலைவாசி உயர்வினை ஒவ்வொரு பெற்றோரும் வேதனையுடன் உணர்ந்திருப்பார்கள் என்பது நிச்சியம். 

பொதுவாகவே முஸ்லிம்களில் வியாபார முறையினை எம்மீது காழ்ப்புணர்வு கொண்டவர்கள் 'மற்றவர்களின் பணத்தை உரிஞ்சி குடிக்கின்ற ஒரு சமுதாயம் என்ற பார்வையிலே' எமது வியாபார சமூகத்தை பார்க்கின்றனர். இந்நிலைமை மாறவேண்டுமாயின் எமது வியாபார நடவடிக்கைகளில் இஸ்லாம் இயம்புகின்ற வழிமுறைகள் பின்பற்றப்படவேண்டும். வட்டியோடு கூடிய கொடுக்கல் வாங்கள் முற்றாக தடைசெய்யப்பட வேண்டும். வாக்களித்தால் அதனை கரிசனையோடு நிறைவேற்ற வேண்டும். மிகப்பிரதானமாக அளவு நிறுவைகளில் நேர்மையுடன் நடந்து கொள்ள வேண்டும். எமது வியாபார நடவடிக்கைகள் மூலம் மாற்று மதத்தினருக்கு இஸ்லாத்தின் பொருளாதார முறையினை புரியவைக்கின்ற முறையில் நடந்து கொள்ள வேண்டும். 

குறிப்பாக இன்றுள்ள எமது வியாபாரிகளிடத்து வியாபாரம் வெரும் இலாபத்தினை கருத்திற்கொண்டதாகவே அமைந்துள்ளது. அதனை ஒரு வணக்கமாக (இபாதத்தாக) நினைக்கின்ற நிலை உறுவாக வேண்டும். அடுத்து மிக முக்கியாகமாக கவனத்தில் கொள்ளவேண்டிய விடயம் யாதெனில் எந்த தொழிலாயினும் தந்தையிடம் இருந்து தனையனுக்கு வருவது மாத்திரம் வெற்றியைப் பெற்றுத்தராது. மாறாக தொழில் சார்ந்த கல்வியினைப் பெற்றிருப்பது அவசியமாகும். நாட்டிலுள்ள பொருளாதார, வியாபார நுனுக்கங்களை சரிவர புரிந்திருத்தலும் அவசியமாகும். 

எமது வியாபார கொடுக்கல் வாங்களின் போது ஏற்படுகின்ற சிறு சிறு தவருகளிலிருந்து தூய்மை பெருவதற்கே இஸ்லாம் ஸக்காத்தை கடமையாக்கியுள்ளது. ஸக்காத் எமக்கான கடமை மாத்திரமன்று. அது எம்மையும் எமது பொருளாதாரத்தையும் பாதுகாத்து வளர்ச்சியடையச் செய்யும். ஓவ்வொரு வியாபாரியும் (முஸ்லிமும்) ஸக்காத் சம்பந்தமான தெளிவைப் பெற்றிருப்பது அவசியமாகும். இவற்றை மறந்து செயல்பட்டுக் கொண்டிருக்கும் எமது வியாபார சமூகத்திற்கு இவற்றை ஒருமுறை நினைவூட்டச்செய்த தேரர் அவர்களுக்கு மீண்டுமொருமுறை நன்றிகளைத் தெரிவித்துக்கொள்கின்றேன்.

முஸ்லிம்களின் கடைகளில் பாலியல் தேவைகளுக்காக சிங்கள யுவதிகளை இனைத்துக் கொள்கின்றார்கள் என தேரர் அவர்கள் குறிப்பிட்டிருப்பது இங்கு கவணிக்கப்பட வேண்டிய முக்கிய விடயமாகும். அவ்வாரானவர்கள் சட்டத்தின் முன் நிருத்தப்பட்டு கடுமையாக தண்டிக்கப்பட வேண்டும். ஒருவருடைய இயலாiiயையும் வறுமையையும் கருத்திற்கொண்டு அவர்களை பலயீணப்படுத்துவது மண்ணிக்க முடியாததாகும். ஆனால் ஒட்டு மொத்த வியாபார சமூகத்தின் மீது தொடுக்கப்படும் அர்த்தமற்ற இந்த குற்றச்சாட்டு வருத்தத்திற்குறியதும் கண்டிக்கப்பட வேண்டியதுமாகும். தொடர்து கூறும் தேரர் அவர்கள் இவ்வாரு இனைத்துக் கொள்ளப்படும் சிங்கள யுவதிகள் பாலியல் வல்லுரவிற்கு உட்படுத்தப்பட்டு முஸ்லிம் ஆண்களின் மனைவிமார்களாக்கப்படுகின்றனர் என்ற ஓர் அபாண்ட பலியினை ஒட்டுமொத்த முஸ்லிம் சமூகத்தின் மீதும் சுமத்தியுள்ளார். இவர் இந்த தரவுகளை எங்கிருந்து பெற்றார் என்பது தெரியாது. இது இவரது முஸ்லிம் விரோத காழ்ப்புணர்வு என்பதுமட்டும் தெளிவாக விளங்குகின்றது. 

தேரரின் இந்த சமூக விரோத கருத்துக்களை மனதிற்கொண்டு மிக நிதானமாக செயல்பட வேண்டியது முஸ்லிம் சமூகத்தின் முன்னுள்ள சவாலாகும். வறுமையின் கோரப்பிடியில் ஆயிரமாயிரம் முஸ்லிம் குடும்பங்கள் இன்று வாழ்ந்து கொண்டிருக்கின்றன. ஒழுங்கான கல்வியினைப் பெற்று அரச மற்றும் தனியார் நிருவணங்களில் தொழில் செய்யும் திறமையினை பெற்றும், முஸ்லிம் யுவதிகள் தொழிலிற்காக ஏங்கிக் கொண்டிருக்கின்ற இந்த சந்தர்ப்பத்தில் முஸ்லிம் வியாபார சமூகம் இவர்கள் பக்கம் தங்களது கவனத்தை திருப்புவது கடமையாகும். இலங்கை முஸ்லிம்களின் விகிதாசரத்திற்கேற்ப அரசதொழில் வழங்கப்படவில்லை என்பது கசப்பான உண்மையாகும். அரச தொழிலில் முஸ்லிம் சமூகம் தொடர்ந்தும் புறக்கணிக்கப்பட்டுள்ளது என்பதுவே உண்மை.

வறுமையினையும் உல்லூரில் தொழிலின்மையினையும் கருத்திற் கொண்டு வெளிநாடுகளுக்கு பணிப்பெண்களாக செல்கின்ற முஸ்லிம் யுவதிகளை நாம் மறந்தே செயல்படுகின்றோம். பட்டப்படிப்பினையும் தொழில் சார் படிப்பினையும் பூர்த்தி செய்தும் தொழிலொன்று கிடைக்காமையினால் விரக்த்தியுடன் வீட்டிலே முடங்கிக்கிடக்கும் எமது சகோதரிகளையும் நாம் மறந்தே விட்டோம். இதுவரை எமது தார்மீக பொருப்புகளையும் கடமைகளையும் மறந்திருந்த எமக்கு நினைவூட்டியமைக்காக தேரர் அவர்களுக்கு நன்றிகளைத் தெரிவித்துக்கொள்கின்றோம்.

இலங்கையில் வியாபார நடவடிக்கையின் ஏகாதிபத்தியம் முஸ்லிம்களின் கைகளில் காணப்படுவதாக தேரர் அவர்கள் அங்களாய்க்கிறார். ஒருவகையில் இவர் மீது அனுதாபமே தோண்றுகின்றது. இலங்கையில் இருக்கும் தனிமனித சுதந்திரத்தைக்கூட முஸ்லிம்கள் அனுபவிக்கக் கூடாது என்பது தேரரின் எதிர்பார்ப்புபோலும். ஓவ்வொருவருக்கும் தங்களது சக்திக்கேற்றவாறு தொழில் முயற்சிகளை மேற்கொள்வதற்கு இலங்கையில் பூரண சுதந்திரம் வழங்கப்பட்டுள்ளது. 

ஒரு காலத்தில் இரத்திணக்கல் வியாபாரத்தில் முஸ்லிம்கள் முன்னனியில் இருந்தார்கள். ஏன் முஸ்லிம்களின் வியாபாரம் என்றே பேசப்பட்டது. ஆனால் இன்று இரத்திணக்கல் வியாபாரத்தில் முன்னனியில் இருப்பவர்கள் சிங்களவர்களே. அது அவர்களது திறமை மற்றும் முயற்சிக்கு கிடைத்த வெற்றியாகவே நாம் கருதுகின்றோம். அதேபோன்று தங்க வியாபாரத்தில் தழிர்கள் முன்னனியில் திகழ்ந்தார்கள். ஆனால் இன்றைய நிலையினை நான் தெளிவாக கூறவேண்டிய தேவையிருக்காது என நினைக்கின்றேன்.

முஸ்லிம்களின் வியாபாரம் ஏன் இன்று மற்றவர்களிடத்து நகர்ந்து கொண்டிருக்கின்றது என்ற விடயத்தை ஆராய்ந்து பார்க்க முஸ்லிம்கள் கடமைப்பட்டிருக்கின்றனர். எமது எதிர்கால வியாபார நடவடிக்கையினை எவ்வாறு திட்டமிடலாம் என்பது பற்றிய ஒரு தெளிவான திட்டமிருத்தலும் அவசியமாகும். எனவே தொலைந்து போன எமது முயற்சிகளை நினைவுபடுத்திய தேரர் அவர்களுக்கு எமது நன்றிகள். 

மனிதர்களைக் கொண்றொழிக்கின்ற மார்க்கம் இஸ்லாம் இலங்கையில் தலைதூக்கினால், இஸ்லாமியர்கள் ஷரீஆ சட்டத்தை அமுல்படுத்தி மற்ற எல்லா இனத்வர்களையும் கொண்றொழித்துவிடுவார்கள் என்று தேரர் அவர்கள் பயப்படுகிறார்கள். முதலில் இவர் இஸ்லாத்தையும் ஷரீஆ சட்டத்தையும் தவராக புரிந்துகொண்டிருக்கின்றார் அல்லது தவறாக புரியவைக்கப்பட்டிருக்கிறது என்ற முடிவிற்கே வரமுடிகின்றது. இவர்கள் சொல்கின்ற விதம் இதுவரையில் இலங்கையில் இவ்வாரானதொரு இனஅழிப்பு முஸ்லிம்களால் மாற்று மதத்தவர்களுக்கு எப்போதாவது ஏற்பட்டிருக்கிறாதா என்று கேட்க ஆசைப்படுகின்றேன். 

ஒருவேளை தமிழீல விடுதலைப் புலிகள் புரிந்த கூட்டுப்படுகொலையினை முஸ்லிம்களுடன் தேரர் அவர்கள் இனைத்துக் கொண்டுள்ளாரோ என்று எண்ணத்தோன்றுகின்றது. அல்லது இலங்கையில்; (தமிழீல விடுதலைப் புலிகளான) இந்துக்களாலும், (பௌத்த தீவிரவாதிகளான) சிங்ளவர்;களாலும் முஸ்லிம்களுக்கெதிராக மேற்கொள்ளப்பட்ட இனஅழிப்புக்களை தர்மம் என்று தேரர் அவர்கள் கருதுகின்றார்ரோ தெரியாது. இலங்கை முஸ்லிம்களுக்கெதிராக தீவிரவாத பௌத்தர்களாலும், தீவிரவாத சிங்கள அரசினாலும் தொடுக்கப்பட்ட கலவரங்களை பட்டியலிட்டுக் கூறலாம். உதாரணத்திற்கு மாவணல்லை, கலகெதர, மாலிகாவத்தை, பேருவலை போன்ற அண்மைய சம்பவங்களை குறிப்பிடலாம். இது சம்பந்தமாக விரிவாக அறிய விரும்புவர்கள் முஹம்மத் சமீம் எழுதிய 'ஒரு சிறுபான்மை சமூகத்தின் பிரச்சினைகள்' என்ற நூலை வாசித்து அறிந்து கொள்ளமுடியும்.

தேரரின் மேற்சொல்லப்பட்ட கூற்றிற்கு ஒரு தெளிவினை வழங்க வேண்டிய கடமை முஸ்லிம் புத்திஜீவிகளுக்குண்டு. அநாவசிய தப்பபிப்பராயங்களை கலைந்து அழகிய ஒரு தாய்த்திருநாட்டை கட்டியெழுப்புவதில் முஸ்லிம் புத்திஜீவிகளுக்குறிய பங்கு அலாதியானது. இஸ்லாத்தையும், இஸ்லாமிய ஷரீஆ சட்டங்களையும், இலங்கையின் வளர்ச்சியில் சமகால முஸ்லிம்களின் பங்களிப்புகள் பற்றிய தெளிவினையும் பெரும்பான்மை சமூகத்தினருக்கு தெளிவுபடுத்தாமை எமது குற்றமே. எமது தலையாய கடமையினை மறந்து செயல்பட்டுக் கொண்டிருந்த எமக்கு மீண்டுமொருமுறை ஞாபகப்படுத்திய தேரர் அவர்களுக்கு எமது நன்றிகள். 

முஸ்லிம் கடைகளில் அச்சிடப்படும் கலண்டர்களில் காணப்படும் அரபி எழுத்துக்கள் கூட முஸ்லிம் அடிப்படைவாதத்திற்கான அடையாளம் எனக் கூறியுள்ளார் தேரர் அவர்கள். இவரின் அறியாமையை என்னவென்று சொல்வதோ. இலங்கை முஸ்லிம்களில் 75மூ க்கும் மேற்பட்டவர்களுக்கு அரபு மாதங்களின் பெயர்களே தெரியாதளவு முஸ்லிம்கள் அன்னியமாக இருப்பது இவருக்கு எங்கு தெரியப்போகிறது. தொழுகை நேரத்தினை ஒவ்வொரு முஸ்லிமும் கட்டாயம் அறிந்து வைத்திருப்து எவ்வளவு முக்கியமானது என்பது முஸ்லிம்களுக்கே தெரியாதிருக்கின்ற போது இவருக்கு எப்படி புரியவைப்பது. எனவே குறைந்தளவு இஸ்லாமிய மாதங்களையும், தொழுகை நேரங்களையும் அறிந்து வைத்திருக்க வேண்டும் என்பதனை உணர்த்திய தேரர் அவர்களுக்கு எங்களது நன்றிகள். 

இந்நாட்டில் இருக்கும் சட்டத்திற்கு புரம்பாகச் சென்று இஸ்லாமிய ஷரீஆ சட்டத்தினை அமுல் நடத்தவதற்கு முஸ்லிம்கள் பாரிய முயற்சியில் ஈடுபட்டுள்ளார்கள் என்பது தேரர் அவர்களின் மற்றுமொரு குற்றச்சாட்டாகும். முதலில் ஷரீஆ சட்டத்தில் இருக்கும் நன்மைகள் இவருக்கு தெளிவு படுத்தப்படவேண்டிய கட்டாயம் உலமாக்களுக்கும் புத்திஜீவிகளுக்குமிருக்கிறது. மிக முக்கியமாக ஷரீஆ சட்டம் வெரும் குற்றவியல்களுடன் சம்பந்தப்பட்டவைகள் மாத்திரமல்ல என்பது புரியவைக்கப்பட வேண்டும். 

இஸ்லாத்தில் காணப்படும் ஷரீஆ சட்டம் மனிதனை மனிதனாக வாழவைக்கும் சட்டமேயாகும். இஸ்லாமிய ஆட்சி நிலவிய காலப்பகுதியில் மனிதம் பாதுகாக்கப்;பட்ட வரலாற்றினை ஒருமுறை திரும்பிப் பார்க்குமாறு தேரர் அவர்ளை வினயமாக கேட்டுக் கொள்கின்றோம். உலக அமைதிக்கு இஸ்லாத்தில் காணப்டும் சட்டங்களே அவசியம் என மாற்று மதத்தவர்கள் வெளிப்படையாக கூறுகின்ற அளவிற்கு அதன் யதார்த்தம் பலராலும் புரிந்துகொள்ளப்பட்டிருக்கின்றது. இதுவரை காலமு; இதனை உங்களுக்கு தெளிவு படுத்தாமல் இருந்தது எமது தவறுதான் தேரர் அவர்களே. இஸ்லாத்தின் உண்மையான குற்றவாளிகள் நாம் தான் என்பதை உணர்த்திய தேரர் அவர்களுக்கு எமது நன்றிகள்.

முஸ்லிம்கள் காட்டுமிராண்டித்தன்மை கொண்;டவர்கள் என்பதற்கு கடந்த காலங்களில் ஏற்பட்ட கிரீஸ் பேயுடன் சம்பந்தப்பட்ட கசப்பான ஒரு சம்பவத்தை உதாரணத்துடன் குறிப்பிட்டுள்ளார் தேரர் அவர்கள். எந்த ஒரு சந்தர்ப்பத்திலும் நிரபராதிகள் தண்டிக்கப்டுவதை இஸ்லாம் மாத்திரமல்ல் பௌத்தமும் அங்கீகரிப்பதில்லை என்;பது எல்லோரும் அறிந்த விடயம். முஸ்லிம்களுடன் தேரர் அவர்களுக்கிருக்கின்ற வெறுப்பின் வெளிப்பாடே இது. துரதிர்ஷ்டவசமாக நடந்த ஒரு சம்பவத்தை முழு முஸ்லிம சமூகத்தின் மீது போடுவது மாத்திரமல்ல இஸ்லாத்தின் அடிப்படைகளில் ஒன்று போலும் சொல்லவும், காண்பிக்கவும் முனைவது கண்டிக்கப்பட வேண்டியதாகும்.

இன்று உலகில் குறிப்பாக அரபு நாடுகளில் இஸ்லாத்தின் பெயரால் நடக்கின்ற அநேக விடயங்களுக்கும் இஸ்லாத்திற்கு எந்தவித தொடர்புமில்லை என்பதை தேரர் அவர்கள் முதலில் புரிந்து கொள்ளவேண்டும். எவ்வாறு சிங்கள மக்களின் பல செயல்பாடுகளுக்கு பௌத்தம் பொருப்;;;;;;;;;;;;;;;;;;;;;;;பில்லையோ அது போன்றே. அப்படியாயின் தேரர் அவர்களே முதலில் இஸ்லாம் பற்றியும் முஸ்லிம்கள் பற்றியும் உங்களிடம் காணப்டுகின்ற காழ்ப்புணர்வை முதலில் நீங்கள் களைந்தெரிந்து விடுங்கள். தூய எண்ணத்தோடு இஸ்லாத்தின் போதனைகளை படியுங்கள். நீங்கள் மதம் மாறவேண்டும் என்கின்ற எந்த கடமையும் இல்லை. நீங்கள் ஒரு நல்ல பௌத்தனாக இருப்பதுவே இன்றைய அவசியமாகும். இந்த நாடு பல நல்ல பௌத்தர்களைக் தன்னகத்தே கொண்டிருக்கின்றது. அதன் புணிதத்தை தயவு செய்து உங்கள் நச்சுக்கருத்துக்களால் கெடுத்துவிடாதீர்ள்.

1996 ல் மாலைத்தீவில் ஒன்றுகூடிய முஸ்லிம் நாடுகளின் பிரதிநிதிகள் கிழக்கிலங்கையில் நபரிஸ்தான் என்ற பெயரில் முஸ்லிம் தனிநாடொன்றை உறுவாக்கும் திட்டங்களை வகுத்துள்ளதாக குறிப்பிட்டுள்ளார் தேரர் அவர்கள். முதலில் உங்கள் கண்டுபிடிப்பிற்கு எமது நன்றிகள். அடுத்து அங்கு கூடியவர்கள் மாலைதீவினை ஒரு முஸ்லிம் நாடாக மாற்ற முயற்சிசெய்யட்டும். நபரிஸ்தான் என்ன பெயரோ, கருத்தோ தெரியவில்லை. தேரரின் அவர்களே அனுதாபமாக இருக்கிறது உங்களைப் பார்க்கையில். 

தேரர் அவர்கள் கூறுவது போல் முஸ்லிம் பிரதிநிதிகளுக்கு அப்படி ஒரு தேவை இருக்குமென்றால் ஐம்பது வருடங்களுக்கு மோலாக முஸ்லிம் உம்மத்தின் ஆராப்புண்ணாக இருக்கும் பலஸ்தீனை மீட்டெடுத்து கொடுக்க முயற்சிசெய்யட்டும். இந்தியாவும் பாகிஸ்தானும் தனிநாடுகளாக பிரிந்து சென்றதிலிருந்து கதியற்றுக் கிடக்கும் காஷ்மீருக்கு தனிநாட்டு அந்தஸ்த்தினை பெற்றுக் கொடுக்கட்டும். அல்லது குறைந்தளவு ஐ.நா வின் விருப்பப்படி தனிநாட்டு அபிப்பராயத்தை உரசிப்பார்க்கவாவது தேர்தலொன்றை நடாத்தை ஏற்பாடாவது செய்யட்டும். 

முஸ்லிம் நாடுகளில் கையாலாகாத்தண்மை தேரருக்கு தெரியாமலிப்பதும் நல்லது தான். இவர்கள் இலங்கை முஸ்லிம்களுக்கு தனிநாடு பெற்றுத்தராவிட்டாலும் பரவாயில்லை இருக்கிற நாடுகளையாவது பாதுகாத்துக்கொள்ள உறுப்படியாக ஏதாவது செய்வார்களெனில் அதுவே இலங்கை முஸ்லிம்களுக்கு செய்யும் பேருதவியாக இருக்கும். 

உலகிலே முஸ்லிம்கள் அதிகளவு வாழும் நாடான இந்தோனேசியாவின் கிழக்கு தைமோர் கிருஸ்த்வர்களுக்கென பிரித்தெடுக்கப்பட்டு தனிநாட்டு அந்தஸ்து வழங்கியது மாத்திரமல்ல சக்தி வாய்ந்ந ஒரு நாடாகவும் மாற்றுவதற்கான நடவடிக்கைகளும் நடந்து கொண்டிருக்கின்றன. அது போன்று சூடான் துண்டாடப்பட்டுவிட்டது. ஈராக், துருக்கி, சவுதி அரேபியா, யெமன், எகிப்து, சோமாலியா போன்ற நாடுகளிலும் கிருஸ்தவர்களுக்கானதும், ஷீஆக்களுக்கானதுமான தனிநாடுகளை அமைத்துக் கொடுப்பதற்கு மேற்கத்திய நாடுகள் நீண்ட திட்டத்தினை தீட்டியிருக்கிறார்கள். 

தேரர் அவர்களின் நீண்ட கட்டுரையில் தற்போதைய (2011) இலங்கை முஸ்லிம்களின் சனத்தொகை விகிதம் 14மூ அளவில் இருப்பதாக சுட்டிக்காட்டப்பட்டள்ளது சந்தோஷமாக இருக்கிறது. இதுவரை அரசாங்கத்தினால் உத்தியோகபூர்மாக அறிவிக்கப்படாத ஒரு செய்தியினை தேரர் அவர்கள் தைரியமாக அறிவித்திருக்கிறார். எனவே முஸ்லிம்கள் தமது விகிதாசாரத்திற்கேற்ப அரச துரைகளில் பிரதிநிதித்துவங்களையும் பெற்றறெடுக்க வேண்டும் என்ற செய்தியினையும் தேரர் அவர்கள் எமக்கு தந்துள்ளார். எனவே எமது உரிமைகள் விடயத்திலும் நாம் கவனம் செலுத்த வேண்டுமென்பதை ஞாகபடுத்திய தேரர் அவர்களுக்கு எமது நன்றிகள்.

இறுதியாக தேரர் அவர்கள் சிங்களவர்களை விழித்து சில முன்னேற்பாடாக செயல்பட வேண்டிய சில விடயங்களை கூறியுள்ள அவர் அவற்றிற்கெதிராக செயல்பட வேண்டும் எனவும் உணத்துகின்றார். அவற்றுல சிலவற்றை இங்கு குறிப்பிடலாம் என நினைக்கின்றேன்.

* முஸ்லிம் ஹோட்டல்களில் இனவிருத்தியை கட்டுப்படுத்தக் கூடிய இரசாயணப் பொருள் உணவுகளிலே சேர்க்கப்பட்டிருத்தல். 

* எந்தவொரு சிங்களப் பெண்ணையும் முஸ்லிம்களால் கொள்ளையிடப்பட இடமளிக்காதிருத்தல்.

* முஸ்லிம்களுக்கு சொந்தமான ஸ்தாபனங்களில் பணிபுரியும் சிங்கள யுவதிகளை விலக்கிக் கொள்ளல்

* ஹலால் சான்றிதழ் பெற்ற எல்லாப் பொருட்களையும் பகிஷ்கரித்தல். இன்னும் பல....

இங்கு சில விடயங்களை தேரர் அவர்கள் பலமுறை மீட்டியிருக்கிறார். முஸ்லிம் ஹோட்டல்களில் இனவிருத்தியை கட்டுப்படுத்தக் கூடிய இரசாயணப் பொருள் உணவுகளிலே சேர்க்கப்பட்டிருக்கிறது என்ற புதிய ஒரு கண்டுபிடிப்பை கூறியுள்ளார். இவ்வாரான ஹோட்டல்களுக்கெதிராக இதுவரை சட்டவடிக்கை எடுக்கப்படாதது ஏன் என்று கேட்கத் தோன்றுகின்றது. ஒருபுறம் இந்நாட்டில் முஸ்லிம்கள் அதிகமாக பிள்ளைகளை பெற்றுக் கொள்கின்றனர் என்கின்றார். மறுபுறம் முஸ்லிம் ஹோட்டல்களில் இனவிருத்தியை கட்டுப்படுத்தக் கூடிய இரசாயணப் பொருள் உணவுகளிலே சேர்க்கப்பட்டிருக்கிறது என்கிறார். இவரின் பரிதாபத்தை யாரிடம் சொல்வதோ. பெரும்பாலான முஸ்லிம்கள் தங்களது ஆத்ம திருப்த்திக்காக முஸ்லிம் ஹோட்டல்களையே நாடிச் செல்வது இவருக்கு தெரியாது போலும். 

முஸ்லிம்கள் சிங்களப் பெண்களை கொள்ளையிடுவதாகவும் அதற்கு இடமளிக்கக் கூடாதெனவும் கேட்கின்றார் தேரர் அவர்கள். இந்த விடயத்தில் சிங்களவர்களை விடவும் நாம் (முஸ்லிம்கள்) உங்களுடன் ஒத்துழைக்க தயாராகவுள்ளோம். நீங்கள் பௌத்த பெண்மணிகளை பாதுகாப்பதற்கு உரிய நடவடிக்கை எடுப்பீர்களாயின் முஸ்லிம் இனைஞர்கள் தானாகவே பாதுகாப்புப் பெருவர் என்பது நிச்சியம். முதலில் ஒரு பௌத்த மதகுரு என்ற ரீதியில் இந்நாட்டில் சீரழிந்து, கேடுகெட்டு கிடக்கின்ற மேற்கத்திய கலாச்சாரத்தினை மாற்றி பௌத்தர்களை பௌத்தர்களாக வாழ வழிசெய்யுங்கள். 

ஹலால் தொடர்பில் முஸ்லிம்கள் கடைபிடிக்கின்ற முறையினை மிக கடுமையாக விமர்சிக்கிறார் தேரர் அவர்கள். வெறும் சடங்குகளும் சம்பிரதாயங்களும் கூடியதல்ல இஸ்லாம். இஸ்லாம் ஒரு வாழ்க்கை நெறி என்பதை தேரர் அவர்கள் புரிந்து கொள்ள வேண்டும். இஸ்லாத்தை பின்பற்றும் ஒருவர் இப்படித்தான் வாழவேண்டும் என்கின்ற ஒரு ஒழுங்கு இருக்கின்றது. ஒரு வேளை பௌத்தம் போதிக்கின்ற ஒழுங்கு முறை உங்களுக்கு தெரியாமலிருக்கலாம். அல்லது அவற்றை பின்பற்ற வேண்டிய அவசியமில்லை என்ற சிந்திக்கின்ற ஒரு நவீன பௌத்த மதகுருவாக நீங்கள் இருக்கலாம். அதற்கு முஸ்லிம்கள் என்ன செய்ய தேரர் அவர்களே. 

எனவே முஸ்லிம்களை இஸ்லாம் இயம்புகின்ற வாழ்க்கையை வாழவிடுங்கள். பௌத்தர்களை நல்ல பௌத்தர்களாக வாழப்பழக்குங்கள். நாங்கள் சறுபான்மையினராக இந்நாட்டில் வாழ்கின்றோம் என்பதால் உங்கள் திருப்த்திக்காக எங்களது உயிர் மூச்சான இஸ்லாத்திற்கு புறம்பாக நாம் வாழவேண்டும் என எம்மை எதிர்பார்க்காதீர்கள். 

முஸ்லிம்களை தூய முஸ்லிம்களாக வாழ வைப்பதற்கான ஒரு போராட்டம் மாத்திரமே தற்போது நடந்துகொண்டிருக்கிறது. முhற்று மதத்தவர்களிடம் இஸ்லாத்தை திணிக்கின்ற எந்தவொரு வேளைத்திட்டமும் இதுவரை முஸ்லிம்களால் இலங்கையில் மேற்கொள்ளப்படவில்லை. ஆனால் தான் விரும்பிய மதத்தை பின்பற்றும் பூரண சுதந்திரம் இலங்கையர்களுக்கு கொடுக்கப்பட்டுள்ளது என்பதை ஒருமுறை ஞாபகமூட்ட விரும்புகிறேன்.

பௌத்தம் தடைசெய்திருக்கின்ற உணவுகள், பாணங்கள் பற்றி நீங்களும் உங்களைச் சார்ந்த பௌத்தர்களும் அலட்டிக் கொள்ளாமைக்கு முஸ்லிம்கள் மீது எரிந்து விழுவதேன். உங்களுக்கும் உங்கள் போன்ற நவீன பௌத்தர்களுக்கும் பௌத்த கோட்பாடுகளை கடைபிடிக்க விருப்பமில்லாமல் இருக்கலாம். ஆனால் பெரும்பாலான முஸ்லிம்கள் இஸ்லாமிய கோட்பாடுகளை கடைபிடிப்பதில் அக்கரையாக இருக்கிறார்கள். இனியும் பௌத்தமும் சிங்களவர்களும் அழிந்து கொண்டிருக்கின்றார்கள் என்று நீலிக் கண்ணீர் வடிப்பதில் என்ன அர்த்தம் இருக்கிறது தேரர் அவர்களே.

மீண்டும் ஒருமுறை கூறலாம் என நினைக்கின்றேன். முஸ்லிம்களின் பார்வையில், பேச்சில், சிந்தனையில், ஆடையில், உணவில், கொடுக்கல் வாங்களில் அவர்களின் அனைத்து விடயங்களிலும் இஸ்லாம் ஒரு விதிமுறையினை, வழிமுறையினை பின்பற்றுமாறு கூறுகின்றது. இவற்றை ஏற்று செயல்படாதவரை ஒருவன் உண்மையான முஸ்லிமாக மாட்டான். எனவே முஸ்லிம்களை உண்மையான முஸ்லிம்களாக மாற்றவேண்டிய பணியினையே இதுவரையில் உலமாக்கலும், இஸ்லாம்pய இயக்கங்ளும் இலங்கையில் செய்து கொண்டிருக்கின்றன. மாற்று மதத்தவர்களுக் இஸ்லாத்தின் செய்தியினை எத்திவைக்க எந்த நடவடிக்கைகளும் எடுக்கப்படாதது உண்மையில் கவலையான விடயம் தான் தேரர் அவர்களே. அவ்வப்போது பெரும்பாண்மை இனத்தவர்களால் இஸ்லாம் பற்றியும் முஸ்லிம்கள் பற்றியும் நிலவுகின்ற தப்பபிப்பராயங்களை களைவதற்கு எடுக்கப்பட்ட முயற்சிகளையும் மிக்க நன்றியுடன் நினைவு படுத்தவும் விரும்புகின்றேன். 

போதைப் பொருள் கடத்தலில் ஈடுபடுபவர்கள் முஸ்லிம்கள் என்றும் ஆனால் போதைப் பொருள் பாவனையால் பாதிக்கப்பட்டிருப்பவர்கள் சிங்கள இஞைர்கள் எனவும் தேரர் அவர்கள் குறிப்பிட்டுள்ளார். ஒரு சில முஸ்லிம் பெயர்தாங்கிகள் போதைப் பொருள் கடத்தலில் ஈடுபடுகின்றார்கள் என்பதை நாம் மறுக்கவில்லை. ஏன் அவர்கள் இதனை தைரியமாக செய்கின்றார்கள் என்பது கவனிக்;கப்பட வேண்டும். சட்டம் அவர்களை தண்டிக்காதது ஏன். அவர்களுக்கு உயர்ந்த தண்டனையினை பெற்றுக் கொடுக்க வழிசெய்யுங்கள். நீங்கள் இந்த நாட்டிற்கும் பௌத்தத்திற்கும் இலங்கை முஸ்லிம்களுக்கும் செய்யும் சேவையாக நாம் என்றென்றும் உங்களை போற்றிப் புகழ்வோம். எங்களைப் பொருத்தவரை இவ்வாரானவர்கள் முஸ்லிமகளே அல்ல. அவர்கள் கொள்ளப்பட வேண்டியவர்களே. இனியும் பௌத்தம் இவர்களை பாதுகாக்காது என்று நினைக்கின்றேன்.

கௌரவ தேரர் அவர்களே! முஸ்லிம்கள் மீதுள்ள காழ்ப்புணர்வின் வெளிப்பாடாக இவற்றை கூறினீர்களா! அல்லது சிங்கள இளைஞர்கள் மீதிருக்கின்ற பாசத்தினால் கூறினீர்;களா! இரண்டாவது காரணமே உங்கள் கவலையெனில்......

* சந்திக்கு சந்தி மூலை முடுக்குகளிலெல்லாம் காணப்படும் மதுபாணக் கடைகள் பற்றி நீங்கள் வாய் திறக்காதது ஏன். இவைகளில் 90மூ மானவை பௌத்த சிங்களவர்களால் நடாத்தப்படுவதனாலா!? அல்லது உங்களது நவீன பௌத்தம் மதுபாணத்தை அனுமதித்திருக்கிறதா!? சிறுவர் பெரியவர் ஆண்கள் பெண்கள் என எல்லா வயதினரும் இதற்கடிமையாகி குடும்பங்கள் குட்டிச்சுவராகி கேடுகெட்டுப் போயுள்ள நிலமை உங்களுக்கு இதமாக இருக்கிறதா!?

* சிங்கள யுவதிகளை முஸ்லிம்களிடமிருந்து பாதுகாக்க வேண்டும் என கர்ஜ்ஜிக்கும் நீங்கள் வீதிகள் தோரும் புதிது புதிதாக தோற்றம் பெரும் இரவு நேர கழியாட்ட விடுதிகள் (Niபாவ ஊடரடிள) உங்களுக்கு ஒரு பொருட்டே இல்லையா!? ஆயிரமாயிரம் இளம் பெண்கள் இதன் மூலம் சமூக விரோத செயல்களுக்கு ஆலாகுகிறார்கள் என்பது உங்களுக்கு தெரியாத விடயமா!? அல்லது இவை உங்களது நவீன பௌத்தத்தில் நீங்கள் காணத்துடிக்கும் கண்கொள்ளாக் காட்சிகளா!?

* சிங்களப் பாடசாலைக்கு செல்கின்ற மாணவன் நீண்ட கால்சட்டையோடு செல்லும் போது பருவ வயதினையடைந்த (சிங்கள பாடசாலை) மாணவிகளில் சீருடையில் இருக்கின்ற சீரழிவினை உங்களால் புரிந்து கொள்ள முடியாதிருப்பது ஏன்!? அல்லது பெண்கள் அரைகுறை ஆடைகளுடனும் அரைநிர்வாணத்துடனும் திரிவது ஒரு அசிங்கமாக தெரியவில்லையா!? (ஆனால் முஸ்லிம் பெண்களிடம் காணப்படும் அபாயா (உடலை பூரணமாக மறைத்து) ஆபாசங்களைத் தூண்டாத கன்னியமான ஆடை உங்கள் போன்றோருக்கு இஸ்லாமிய அடிப்படை வாதமாக தெரிவது ஏன் என்று மட்டும் புரியவில்லை)

* சிங்கள திரைப்படங்களி;ன் சீர்கெட்ட தன்மை பௌத்தத்தை இழிவுபடுத்துகின்றது என்பதை நினைக்க உங்களது பௌத்த உணர்வு உங்களைத் தூண்டவில்லையா!? இந்தப்படங்களில் தோன்றும் ஆபாச நடிக, நடிகைகள் உங்கள் போன்றோரிடம் ஆசிர்வாதம் பெருவதால் அவர்களை உங்கள் நவீன பௌத்தம் புனிதமாக்கிவிட்டதா!?

* திரைப்படங்களும், தொடர் நாடகங்களும், வராந்த, நாளாந்த பத்திரகைகளும், சஞ்சிகைகளும் இந்நாட்டில் ஏற்படுத்தியிருக்கும் கலாச்சார சீரழிவுகள் பௌத்த மத்திற்கு ஒரு சவாலாக தெரியாதது ஏன்!? என்பது மாத்திரம் உங்களுக்கு ஏன் புரியவில்லை தேரர் அவர்களே. (ஆனால் இஸ்லாமிய நூல்கள் சஞ்சிகைகள் மாத்திரம் உங்கள் போன்றோருக்கு தடைசெய்யப்பட வேண்டியவைகளாக தெரிவது ஏன்)

* இலங்கையில் அதிகரித்து வரும் பாலியல் வியாபாரம் இலங்கைத் தாயையே கதிகலங்கச் செய்துகொண்டிருக்கும் செய்தி உங்கள் காதுகளுக்கெட்வில்லையா!? தலைநகரிலும், கரையோரப் பகுதிகளிலும், சுற்றுலாப் பகுதிகளிலும் அதிகரித்து காணப்படும் விலைமாதர் விடுதிகள், கலியாட்ட விடுதிகள் உங்கள் கண்களுக்கு தெரிபடவில்லையா? தொழில் நிமித்தமும் வருமையின் காரணமாகவும், பாலியல் தொழிலிற்கு அடிமையாகி தங்களது கற்புகளை பரிகொடுத்து அகௌரவத்தன் சின்னமாக இருக்கும் இளம் பெண்களின் பரிதாபத்திற்கெதிராக போராட உங்களது பௌத்த உணர்வு உங்களை தூண்டாமல் இருப்பது  எமக்கு ஆச்சரியமாகவே இருக்கிறது கௌரவ தேரர் அவர்களே!!!!

இன்னும் பல விடயங்களை அடுக்கிக் கொண்டே போகலாம் விரிவஞ்சி விடுகின்றேன். இறுதியாக கௌரவ தேரர் அவர்களே! இந்த அசிங்கங்களில் ஈடுபம் சிங்களவர்களே பௌத்தத்திற்கு எதிராவனர்கள் என்பதை உணருங்கள், உணர்த்துங்கள். முஸ்லிம்களால் ஒருபோதும் பௌத்தத்திற்கு ஆபத்து வராது என்பது நிச்சியம். உங்கள் வார்த்தைகளாலும் துவேஷ உணர்வுகளாலும் பாதிக்கப்பட்டிருக்கும் இலங்கை முஸ்லிம் சமூகம் உங்கள் மீது பரிதாபம் கொள்ளும் என நினை;கின்றேன். நிச்சியம் நல்ல பௌத்தர்கள் உங்களையும், உங்களது காழ்ப்புணர்வையும் தூக்கியெறிவார்கள் என்பது உறுதி. ஒரு வேளை உங்களைப் போன்றவர்களது குறுகிய மணப்பாண்மையும் பௌத்த அழிவிற்கு ஒரு காரணமாக இருக்குமோ என்று எண்ணத் தோன்றுகின்றது.

கௌரவ தேரர் அவர்களே! இலங்கை முஸ்லிம்கள் இதுவரை இலங்கையின் இறைமைக்கும் அமைதிக்கும் குந்தகம் விலைவித்ததில்லை. இனியும் செய்ய மாட்டார்கள் இடம் வைக்கவும் மாட்டீர்கள் என்று நினைக்கின்றேன். முஸ்லிம்கள் சர்வவள்ளமையுள்ள அல்லாஹ் மீது உறுதியான நம்பிக்கை வைத்திருப்பவர்கள். அரபு நாடுகள் மீதோ ஆயுதங்கள் மீதோ எமக்கு நம்பிக்கையில்லை. இஸ்லாம் சாந்திக்கும் சமாதானத்திற்குமான மார்க்கம். 

கௌரவ தேரர் அவர்களே! இஸ்லாம் பற்றியும் முஸ்லிம்கள் பற்றியும் இஸ்லாமிய ஷரீஆ பற்றியும் உங்களிடம் இருக்கின்ற காழ்ப்புணர்வை அகற்றி தூய எண்ணத்துடன் இவைபற்றிய ஆராய்ச்சியினை செய்யவும். உங்களுக்கு நல்ல தெளிவினை வழங்க வேண்டுமென பிரார்த்திக்கின்றோம். நிச்சியம் நீங்கள் நல்ல முடிவினை அடைவீhகள் என்பது உறுதி. கூடுமானவரை மேற்படி ஆக்கத்தில் உங்கள் மனம் நோகாதபடியே எனது கருத்துக்களை கூற முனைந்துள்ளேன். என்னையறியாமல் உங்கள் மனதை நோகடித்திருப்பின் மன்னிக்கவும்.

உங்களது மேற்குறித்த ஆக்கம் மூலம் நிச்சியம் முஸ்லிம் பயணடைவார்கள் என நினைக்கின்றேன். இதுவரையிலும் இலங்கை முஸ்லிம்கள் இஸ்லாத்தின் இதமான செய்தியினை பெரும்பான்மையினருக்கு எத்திவைக்கவில்லையே என்ற குற்ற உணர்வுடன் இதனை நிறைவு செய்யலாம் என நினைக்கின்றேன். அனைத்து விடயங்களிலும் பெரும்பான்மை சமூகத்துடன் ஒன்றரக் கலந்து செயல்படும் நாம் இஸ்லாத்தின் இனிய செய்தியில் மாத்திரம் விலகிச் சென்று விட்டோமா என்ற பயம் மனதை உறுத்துகின்றது. 

ஏதிர்கால பௌத்தர்கள் தூய பௌத்தர்களாகவும், இஸ்லாமியர்கள் தூய இஸ்லாமியர்களாகவும் வாழ்வதற்கான வழிகளைச் செய்து கொடுப்போமாக. இலங்கையர்களிடத்து அமைதியும் சாந்தமும் நிலவட்டுமாக.