நெஞ்சு பொறுக்குதில்லையே...! (என் பக்க நியாயங்கள் )

ஹஸீர்

             " முற்போக்கு 

               முகமூடி போட்டுக்கொள்லாமல்,

               இதோ 

               நிர்வாணமாகவே நிற்கிறது 

               என் முகம் ! 

                   என் -

                   அகம் கலிமா  ,

                   முகம் கவிதை ......... "

என்றுதான் எப்போதுமே என் கவியரங்கக் கவிதைகளை தொடங்குவேன்...

இன்று அதே வரிகளுடந்தான் இதனை எழுத " பிஸ்மில் " சொல்கிறேன் . 

www.jaffnamuslim.com இணையத்தை சொந்த விவாதத்திற்கு பயன்படுத்துகிறேன் என்று தவறாக நினையாதீர்கள். சகோதரர் அஸாத் சாலி அவர்களிடம் நான் நேர்மையாக கேட்ட கேள்விகளுக்கு ஒரு முகமூடி மனிதன் இடையில் புகுந்து கொண்டு முட்டாள் தனமாக மேலோட்டமான பதில்களை அளித்துள்ளார் . முஸ்லிம் காங்கிரஸ் தலைவரின் சகோதரர் என்று என்னை இழுத்து அவர் தாக்குதல் நடத்தி இருக்காவிட்டால் நான்  இதனை மேலும் தோண்டுவதை தவிர்த்திருப்பேன் . 

இதனை ஒரு விவாதமாக தொடர்ந்து , அதனால் Jaffna Muslim இணையத்தை கஷ்டத்தில் இழுத்துவிட நான் விரும்பவில்லை . நான் என் சொந்தப் பெயரில் தான் எழுதினேன் . ஆனால் சுனீஷ் காண் ( "கான்" என்பதை         " காண் " என பிழையாக இவர் எழுதியிருப்பதிலேயே இது முகமல்ல முகமூடி என்பது தெரிகிறது ) என்கிற புனைப் பெயரில் அல்லாது அவர் சொந்தப் பெயரில் எழுதியிருந்தால் இவ்வாறு Jaffna Muslim இணையத்தை அணுகாமல் நான் நேரடியாக அவருடன் தொலை பேசியில் பேசி என் விளக்கத்தை கொடுத்திருப்பேன் . தயவுசெய்து அவரை என்னுடன் தொலை பேசியில் தொடர்புகொள்ளுமாறு வினயமாக கேட்டுக்கொள்கிறேன்.

என்னுடைய பெயருக்கு அவர் களங்கம் ஏற்படுத்தி இருப்பதால்   சுனீஷ் காண் உடைய உளறல்களுக்கு நீண்டதாக அல்லாமல் மிகவும் சுருக்கமாக என் விளக்கத்தை நான் கொடுத்தேயாக வேண்டிய கட்டாயம் உள்ளது . அதற்கு Jaffna Muslim வாய்ப்புத்தரும் என்று நம்புகிறேன். நன்றி.

தேர்தல் என்று வரும் பொது ஒரு பிரதான கட்சியில் மற்றவர்கள் இணைந்து போட்டியிடுவது வழமை . ஆனால் அதனால் அவர்கள் அந்த கட்சிக்காரர்  ஆகிவிடமுடியாது கேள்வி 1 , 2 , 3 என்பனவற்றில் சொல்லியிருந்தேன் .

முஸ்லிம் காங்கிரஸ் அரசுடன் இணைந்து கேட்கிறபோது ( மக்கள் ஆதரவு அந்த முடிவுக்கு சாதகமானது அல்ல என்பதால் ) இலகுவாக வாக்குகளை பெற்று விடலாம் என்கிற நோக்கத்தில் தான் அவர் சுயேட்சையாக குதிக்க ஆயத்தமானார் . ஆனால் ஒன்றிரண்டு மணித்தியாலங்களுக்ககுள்ளாகவே அந்த ஆசையில் மண் விழுந்ததனால் அவர் மு.கா வில் வந்து ஒட்டிக்கொண்டார் என்பதைத்தான் கேள்வி 4 லில் சொல்லியிருந்தேன், அதற்கு உடந்தையாக இருந்ததனால் தான் கேள்வி 10 இல் ரன்காவை கொஞ்சம் சீண்டினேன் . 

பீ பீ சிக்கு சம்பந்தன் சொன்னது இங்கு தேவை அற்றது , ஹகீம் அப்படி தமிழர் கூட்டணியுடன் சேர்வதாக எங்காவது சொன்னாரா என்பதே என் கேள்வி . " காண் " ( ? ) வீணாக தேவையில்லாமல் .......முழங்காலுக்கு முடிச்சு போடுகிறார் .

தம்புள்ளை விசயத்தில் ஹகீம் மட்டுந்தான் கதைத்தார் என்று நான் சொல்லவில்லையே . பௌஸி , ரிஷாத் அங்கு போனார்கள்தான் ஆனால் அந்த நிகழ்வை காட்டமாக விமர்சித்தவரும் அரசின் மீது தைரியமாக விரல் நீட்டியவரும் ஹகீம் மட்டுமே என்பதைத்தான் நான் சொன்னேன்.

அஸாத் சாலி அவர்களுக்கு Jaffna Muslim இதற்கு பதில் அளிக்க வாய்ப்பளிக்க வேண்டுமென்று சொல்லியிருக்கிறார் . ஐயா " காண் " அவர்களே ! நான் என் கேள்விகளை அஸாத் சாலி அவர்களிடந்தானே  கேட்டிருந்தேன் , நீங்கள் எதற்காக இடையில் பாய்ந்தீர்கள் ?

ஊடக தர்மம் , எழுத்து நாகரீகம் பற்றியெல்லாம் " காண் " எனக்கு வகுப்பு நடத்தியிருக்கிறார் . அரிவரி கூட படித்திராதவர் போல எழுதியுள்ள அவரிடம்  நான் ஊடக தர்மம்  படித்தால் என் நிலை அம்போ தான்.

கடைசியாக ஒரு உண்மையை சொல்லியாகவேண்டும் . நான் தானாக அந்த கட்டுரையை எழுதவில்லை. கட்சியின் போராளிகள் " அஸாத் சாலி " க்கு பதில் சொல்வதே இல்லையா? என்று நேரிலும் தொலை பேசியிலும் துளைத்துத் துளைத்து எடுத்ததனால், அது மட்டுமல்லாமல் என் ரத்தமும் கொதித்ததனால் வேறு வழியே இல்லாமல்தான் அன்று நடு இரவில் அதனை எழுதினேன். 

இன்று நடு இரவிலும் அதே காரணங்களுக்காகத்தான் இதனையும் எழுதுகிறேன்.

" காண்  " என்கிற நின்ஜா மனிதன் 072 8580503  என்கிற என் அலை பேசிக்கு அழைப்பெடுப்பார் என்கிற நம்பிக்கையுடன் காத்திருக்கிறேன் . ( என் பெயர் ஹஸீர் என்பதைப் போலவே இந்த அலை பேசி இலக்கமும் உண்மையானதுதான் . நாங்கள் முகமூடி அணிவதில்லை ....... )