அமைச்சர் றிசாத்திற்கு எதிராக சதி - அமைச்சர் பஸில் ராஜபக்ஸ

அமைச்சர் றிசாத் பதியுதீனை திட்டமிட்ட வகையில் குற்றவாளியாக்கும் சதி முயற்சி குறித்து அமைச்சர் பஸில் ராஜபக்ஸ சுட்டிக்காட்டியுள்ளார்.

அகில இலங்கை முஸ்லிம் காங்கிரஸ் பிரதிநிதிகளுக்கும் அமைச்சர் பஷில் ராஜபக்ஸவுக்கும் இடையே நடைபெற்ற இச்சந்திப்பின் போதே இவ்விடயம் பஸில் ராஜபக்ஸவினால் தெரிவிக்கப்பட்டுள்ளது.

கிழக்கு மாகாண சபைத் தேர்தலில் ஆளும் கட்சிக்கு முழு அளவில் வாக்குகள் கிடைக்காமல் போனமைக்கு அமைச்சர் றிசாத் பதியுதீன் முழு அளவிலான தேர்தல் பிரச்சாரத்தில் ஈடுபடாமையும் காரணமென இதன்போது பஸில் ராஜபக்ஸ தெரிவித்துள்ளார். அமைச்சர் றிசாத் நீதிமன்ற வழங்கு விவகாரங்களில் சம்பந்தப்பட்டிருந்தமையால் அவரால் தேர்தல் பிரச்சாரங்களில் முழு அளவில் ஈடுபட வாய்ப்பிருக்கவில்லையெனவும் அவர் ஒப்புக்கொண்டுள்ளார்.

அமைச்சர் றிசாத்தை சதிவலையில் சிக்கச்செய்வதன் மூலம் சிலர் நன்மையடையப் பார்ப்பதாக தெரிவித்துள்ள பஸில் ராஜபக்ஸ, இதுபற்றி போதிய ஆதாரங்கள் கிடைத்துள்ளதாகவும், எனவே அமைச்சர் றிசாத் விழிப்புடன் செயற்பட வேண்டுமெனவும் கூறியுள்ளார்.

அமைச்சர் பஸிலுக்கும், அகில இலங்கை முஸ்லிம் காங்கிரஸ் பிரதிநிதிகளுக்குமிடையே நேற்று நடைபெற்ற சந்திப்பில் கலந்துகொண்ட முக்கிய அரசியல் பிரமுகரே இத்தகவலை யாழ் முஸ்லிம் இணையத்திடம் தொலைபேசி தொலைபேசி மூலமாக உறுதிப்படுத்தினார்.