ஹிஸ்புல்லாவின் இணையத்தில் மஹிந்தவின் உரை

BY.F.M.FARHAN

 

மட்டக்களப்பு மாவட்ட அபிவிருத்திக் குழுத் தலைவரும், சிறுவர் அபிவிருத்தி, மகளிர் விவகார பிரதி அமைச்சருமான தாஜுல் மில்லத் அல்-ஹாஜ் எம்.எல்.ஏ.எம். ஹிஸ்புல்லாஹ் அவர்களின் உத்தியோகபூர்வ இணையத்தளமான www.hizbullah.org.lk எனும் இணையத்தளம் பிரதி அமைச்சரினால் நேற்று ஆரம்பித்து வைக்கப்பட்டது.

 

இவ் இணைத்தளம் நேற்று (02.09.2012) இரவு காத்தான்குடி முதலாம் குறிச்சி பொதுச் சந்தை சதுக்கத்தில் நடைபெற்ற கிழக்கு மாகாண சபைத் தேர்தலுக்கான ஐக்கிய மக்கள் சுதந்திர முன்னணியில் வெற்றிலைச் சின்னத்தில் போட்டியிடும் பொறியியலாளர் ஷிப்லி பாறூக்கை ஆதரித்து இடம்பெறும் 9வது பொதுக் கூட்டத்தின்போது உத்தியோகபூர்வமாக ஆரம்பிக்கப்பட்டது.

 

இதேவேளை இன்று காத்தான்குடிக்கு வருகை தரவுள்ள ஜனாதிபதி அவர்களின் நிகழ்வையும் இவ் இணையத்தளம் ஊடாக நேரடி ஒளிபரப்புச் செய்வதுக்கான ஏற்பாடுகள் இடம்பெறுகிறது. எதிர்வரும் 5 ஆம் திகதி காத்தான்குடியில் நடைபெறவுள்ள ஐக்கிய மக்கள் சுதந்திர முன்னணியின் இறுதிப் பிரச்சாரக் கூட்டமும் உலகம் முழுவதும் நேரடியாக ஒளிபரப்புச் செய்யப்படவுள்ளமை குறிப்பிடத்தக்கது.