72வது சர்வதேச இளைஞர் மகாநாடு – காத்தான்குடி நகர சபை உறுப்பினர் சியாட் பங்கேற்பு

எப்.எம்.பர்ஹான்

72வது சர்வதேச இளைஞர் சமாதான மகாநாடு இந்தியாவில் –காத்தான்குடி நகர சபை உறுப்பினர் சியாட்டும் பங்கேற்பு. 72வது சர்வதேச இளைஞர் சமாதான மகாநாடு 27ஆம் திகதி வியாழன் நாளை முதல் ஒக்டோபர் 2ஆம் திகதி வரை இந்தியா –சண்டிகார் நகரில் வெகு விமர்சையாக நடைபெறவுள்ளது.

இந்நிகழ்வில் இலங்கை உள்ளுராட்சி மன்ற இளம் உறுப்பினர்களின் தேசிய அமைப்பின் மூலம் தெரிவு செய்யப்பட்ட 18உறுப்பினர்கள் கலந்து கொள்கின்றனர்.

இம் மகாநாட்டில் பங்கேற்பதற்காக ஐ.ம.சு.மு. காத்தான்குடி நகர சபை உறுப்பினரும் இலங்கை உள்ளுராட்சி மன்ற இளம் உறுப்பினர்களின் தேசிய அமைப்பின் மட்டக்களப்பு மாவட்ட பணிப்பாளருமான எம்.எஸ்.எம்.முஹம்மட் சியாட் ( ஜே.பி.) தெரிவுசெய்யப்பட்டுள்ளார்.

இம்மகாநாட்டில் கலந்து கொள்வதற்காக தெரிவான சக உறுப்பினர்கள் சகிதம் சியாட் சித்தீக்கும் பயணமாகியுள்ளார்.

கடந்த உள்ளுராட்ச்சி தேர்தலில் ஐ.ம.சு.மு. முன்னனியின் சார்பில் முதன் முறையாக  போட்டியிட்டு வெற்றியீட்டிய இளம் காத்தான்குடி நகர சபை உறுப்பினரான சியாட் அல்ஹாஜ் சித்தீக் ஹாஜியானி மரியம் பீவி தம்பதிகளின் இளைய புதல்வரும் 'காத்தான்குடி அல்-ஹிறா வித்தியாலயத்தின்பழைய மாணவருமாவார்.