பாகிஸ்தானில் கடும் மழை - 45 இலட்சம் பேர் பாதிப்பு

பாகிஸ்தானில் கடந்த 2 வாரங்களாக பலத்த மழை கொட்டி வருகிறது. பலுசிஸ்தான் மற்றும் சிந்து மாகாணங்களில் இடைவிடாது மழை பெய்கிறது. இதனால் பல இடங்கள் வெள்ளத்தில் மிதக்கின்றன. மழைக்கு இதுவரை 400 பேர் பலியாகி உள்ளனர். 45 லட்சம் பேர் பாதிக்கப்பட்டு உள்ளனர். 

2 லட்சம் பேர் முற்றிலும் வீடுகளை இழந்து உள்ளனர். அவர்கள் ஆங்காங்கே அரசு அமைத்துள்ள முகாம்களில் தங்க வைக்கபட்டு உள்ளனர். தொடர்ந்து மழை பெய்து வருவதால் நிலைமை மோசமாகி வருகிறது. 

2010-ம் ஆண்டு பெய்த பலத்த மழைக்கு 1800 பேர் பலியானார்கள். அதே போன்ற நிலை இப்போதும் ஏற்படலாம் என்ற அச்சம் நிலவுகிறது. மழையால் ஏற்பட்ட பாதிப்புக்கு சர்வதேச நாடுகள் பல உதவ முன் வந்துள்ளன. ஆனால் பாகிஸ்தான் அதை ஏற்க மறுத்து விட்டது.