மாவனல்லை சாஹிராக் கல்லூரியில் 36 மாணவர்கள் புலமைப் பரிசில் பரீட்சையில் சித்தி

இக்பால் அலி

இம்முறை வெளியான ஐந்தாம் ஆண்டுப் புலமைப் பரிசில் பரீட்சையில் கேகாலை மாவட்டத்தில் மாவனல்லை சாஹிராக் கல்லூரி மாணவன் முஹமட் தம்சீல் துபைல் அஹமட்  தமிழ் மொழி மூலத்தில்  முதலாம் இடத்தைப் பெற்றுள்ளார். அதேவேளை அதே பாடசாலையில் கல்வி பயிலும் எம். என். எப். நுஸ்லா இரண்டாம் இடத்தையும் பெற்றுள்ளார்.

இது குறித்து மாவனல்லை சாஹிராக் கல்லூரின் அரம்ப பிரிவுக்கான  அதிபர் எம். எஸ். யூ. எம். ஹுசாம்தீன் கருத்துத் தெரிவிக்கையில்,

'கடந்த காலங்களை விட தம் பாடசாலையில் கூடுதலான மாணவர்கள் சித்தியடைந்துள்ளார்கள். இம்முறை தம் பாடசாலையில் 36 பேர் சித்தியடைந்திருந்துள்ளார்கள். மாவனல்லைக் கல்வி வலயத்திலும் கேகாலை மாவட்டத்திலும் முதல் இடத்தை தம்சீல் துபைல் அஹமட் பெற்றுள்ளார். இரண்டாம். இடத்தையும் நுஸ்லா என்ற மாணவி பெற்றுள்ளார். இம் மாணவர்கள் பாடசாலை ஒழுக்கத்திலும் ஆசிரியர்கள் மீது அன்பு காட்டுவதிலும் மிக நல்ல பண்புகளைக் கொண்டவர்கள்' என அவர் தெரிவித்தார்.

துபைல் அஹமட்டின் தயார் கருத்துத் தெரிவிக்கையில் 'தம் மகன் வீட்டில் விளையாடி விளையாடியே படிப்பான். அவன் பரீட்சை எழுதும் முன் அவர் 190 புள்ளிகளுக்கு மேல் எடுப்பார் என நாங்கள் கருதினோம். எவ்வாறாயினும் 187 புள்ளிகளைப் பெற்றுக் கொண்டது எங்களுக்கு மிக்க சந்தோசம்.' என அவர் தெரிவித்தார்.

உதவி அதிபர் ஏ. ஜீ நஜிமுதீன்  பாடம் புகட்டிய வகுப்பாசிரியர் எம். பீ. எம். பளீல்,  ஆசிரியர் விஜேரஞ்சன் மற்றும் துபைல் அஹமட் மாணவனுடைய தந்தை சட்டத்தரணி எம். எஸ்;. எம். தம்சீல் தாயார் ரிசானா சையிட் ஆகியோருடன் நுஸ்லாவின் தாயார் நிற்பதைப் படங்களில் காணலாம்.